2 Samuel 1:21-23

Ang Biblia, 2001

²¹ “Kayong mga bundok ng Gilboa,
    huwag magkaroon ng hamog, o ulan sa inyo,
    kahit masasaganang bukid,
sapagkat doon ang kalasag ng magiting ay narumihan,
    ang kalasag ni Saul na hindi binuhusan ng langis.

²² “Mula sa dugo ng pinatay,
    mula sa taba ng magiting,
ang busog ni Jonathan ay hindi umurong,
    ang tabak ni Saul ay hindi bumalik nang walang laman.

²³ “Sina Saul at Jonathan, minamahal at kaibig-ibig!
    Sa buhay at sa kamatayan ay hindi sila nagkahiwalay;
sila'y higit na maliliksi kaysa mga agila,
    sila'y higit na malalakas kaysa mga leon.