2 Pedro 2:3-5

Ang Salita ng Diyos

³ Sa kanilang kasakiman ay makiki­nabang sila dahil sa inyong mga salapi sa pamamagitan ng gawa-gawang salita. Ang hatol sa kanila mula pa noon ay hindi na magtatagal at ang kanilang pagkalipol ay hindi natutulog.

⁴ Ito ay sapagkat hindi pinaligtas ng Diyos ang mga anghel na nagkasala subalit sila ay ibinulid sa kailaliman at tinani­kalaan ng kadiliman upang ilaan para sa paghuhukom. ⁵ Gayundin naman hindi rin pinaligtas ng Diyos ang sanlibutan noong unang panahon kundi ginunaw niya ito dahil sa hindi pagkilala sa Diyos. Ngunit iningatan niya si Noe na taga­pangaral ng katuwiran na kasama ng pitong iba pa.