2 Mga Hari 23:3-5

Ang Biblia (1978)

³ At ang hari ay tumayo sa tabi ^(A)ng haligi, at nakipagtipan sa harap ng Panginoon, upang lumakad ng ^(B)ayon sa Panginoon, at upang ingatan ang kaniyang mga utos, at ang kaniyang mga patotoo, at ang kaniyang mga palatuntunan, ng buong puso at ng buong kaluluwa, upang tuparin ang mga salita ng tipang ito na nasusulat sa aklat na ito: at ang buong bayan ay nananayo sa tipan.

⁴ At inutusan ng hari si Hilcias na dakilang saserdote, at ang mga saserdote sa ^(C)ikalawang hanay, at ang mga tagatanod-pinto, na ilabas sa templo ng Panginoon ang lahat na kasangkapan na ginawa kay ^(D)Baal at sa mga Asera, at sa lahat na natatanaw sa langit; at kaniyang sinunog sa labas ng Jerusalem sa mga parang ng ^(E)Cedron, at dinala ang mga abo niyaon sa Beth-el.

⁵ At kaniyang inalis ang ^(F)mga saserdote na palasamba sa mga dios-diosan na inihalal ng mga hari sa Juda na nagpasunog ng kamangyan sa mga mataas na dako sa mga bayan ng Juda, at sa mga dakong nangasa palibot ng Jerusalem; pati silang nagsisipagsunog ng kamangyan kay baal, sa araw, at sa buwan, at sa mga tala, at ^(G)sa lahat ng natatanaw sa langit.