2 Mga Hari 18:17-19

Ang Biblia (1978)

^17 (A)At sinugo ng hari sa Asiria si ^(B)Thartan at si Rab-saris, at si Rabsaces, sa haring kay Ezechias na mula sa Lachis na may malaking hukbo sa Jerusalem. At sila'y nagsiahon at nagsiparoon sa Jerusalem. At nang sila'y mangakaahon, sila'y nagsiparoon at nagsitayo sa tabi ng padaluyan ng tubig ng mataas na tipunan ng tubig ^(C)na nasa lansangan sa parang ng tagapagpaputi ng kayo.

¹⁸ At nang matawag na nila ang hari, ay nilabas sila ni ^(D)Eliacim na anak ni Hilcias, na siyang katiwala ng bahay, at ni Sebna na ^(E)kalihim, at ni Joah na anak ni Asaph na ^(F)kasangguni.

Ang mainit na talumpati ni Rabsaces.

¹⁹ At sinabi ni Rabsaces sa kanila, Sabihin ninyo ngayon kay Ezechias, Ganito ang sabi ng dakilang hari, ng hari sa Asiria, Anong pagasa ito sa iyong tinitiwalaan?