8 Bukod dito, mga kapatid, ay ipinatatalastas namin sa inyo ang biyaya ng Dios na ipinagkaloob sa mga iglesia ng ^(A)Macedonia;

² Kung paanong sa maraming pagsubok sa kapighatian ang kasaganaan ng kanilang katuwaan at ang kanilang malabis na karukhaan ay sumagana sa kayamanan ng kanilang kagandahang-loob.

³ Sapagka't ayon sa kanilang kaya, ay nagpapatotoo ako at higit pa sa kanilang kaya, ay nagsiabuloy sila sa sariling kalooban,

⁴ Na lubhang ipinamamanhik sa amin ang tungkol sa biyayang ito at ^(B)sa pakikisama ^(C)sa pangangasiwa ng mga abuloy sa mga banal:

⁵ At ito, ay hindi ayon sa aming inaasahan, kundi ibinigay muna nila ang kanilang sarili sa Panginoon, at sa amin sa pamamagitan ng kalooban ng Dios.

⁶ Ano pa't ^(D)namanhik kami kay ^(E)Tito, na yamang siya'y nagpasimula nang una, ay siya na rin ang gumanap sa inyo ng biyayang ito.

⁷ Datapuwa't yamang kayo'y nagsisisagana ^(F)sa lahat ng mga bagay, sa pananampalataya, at pananalita, at kaalaman, at sa buong kasipagan, at sa inyong pagibig sa amin ay magsisagana naman kayo sa biyayang ito.

⁸ Hindi ako nangungusap na tulad sa naguutos, ^(G)kundi gaya ng sumusubok sa pamamagitan ng kasipagan ng iba ang katapatan naman ng inyong pagibig.

⁹ Sapagka't nalalaman ninyo ang biyaya ng ating Panginoong Jesucristo, ^(H)na, bagaman siya'y mayaman, gayon ma'y nagpakadukha dahil sa inyo, upang sa pamamagitan ng kaniyang karukhaan ^(I)ay magsiyaman kayo.

¹⁰ At sa ganito'y ^(J)ibinibigay ko ang aking pasiya: sapagka't ito'y nararapat sa inyo, na naunang ^(K)nangagpasimula na ^(L)may isang taon na, hindi lamang sa paggawa, kundi naman sa pagnanais.

¹¹ Datapuwa't ngayo'y tapusin din naman ninyo ang paggawa; upang kung paanong nagkaroon ng sikap ng pagnanais, ay gayon din namang magkaroon ng pagkatapos ayon sa inyong kaya.

¹² Sapagka't ^(M)kung may sikap, ay tinatanggap ayon sa tinataglay, hindi ayon sa di tinataglay.

¹³ Sapagka't hindi ko sinasabi ito upang ang mga iba ay magaanan at kayo'y mabigatan;

¹⁴ Kundi ayon sa pagkakapantay-pantay: ang inyong kasaganaan ay naging abuloy sa panahong ito ^(N)sa kanilang kakulangan, upang ang kanilang kasaganaan naman ay maging abuloy sa inyong kailangan; upang magkaroon ng pagkakapantaypantay.

¹⁵ Gaya ng nasusulat, ^(O)Ang nagtipon ng marami ay hindi naglabis; at ang nagtipon ng kaunti ay hindi kinulang.

¹⁶ Datapuwa't salamat sa Dios, na naglalagay sa puso ni Tito niyaong masikap na pagiingat sa inyo.

¹⁷ Sapagka't tunay na tinanggap niya ^(P)ang aming pamanhik, nguni't palibhasa'y lubha siyang masikap, ay napariyan sa inyo sa kaniyang sariling kalooban.

¹⁸ At sinugo naming kasama niya ^(Q)ang kapatid na ang kaniyang kapurihan sa evangelio ay sa ^(R)lahat ng mga iglesia;

¹⁹ At hindi lamang gayon, kundi siya naman ang ^(S)inihalal ng mga iglesia na maglakbay na kasama namin tungkol sa biyayang ito, na pinangangasiwaan namin ^(T)sa ikaluluwalhati ng Panginoon, at upang ipamalas ang aming sikap:

²⁰ Na iniilagan ito, na sinoma'y huwag kaming sisihin tungkol sa abuloy na ito na aming pinangangasiwaan:

²¹ Sapagka't iniisip namin ang mga bagay na ^(U)kapuripuri, hindi lamang sa paningin ng Panginoon, kundi naman sa paningin ng mga tao.

²² At aming sinugong kasama nila ang aming kapatid, na aming nasubok na madalas na masikap sa maraming bagay, datapuwa't ngayon ay lalo nang masikap, ^(V)dahil sa malaking pagkakatiwala niya sa inyo.

²³ Kung may magsiyasat tungkol kay Tito, siya'y aking kasama at kamanggagawa sa pagpapagal sa inyo; o sa ^(W)aming mga kapatid, sila'y mga sugo ng mga iglesia, at kaluwalhatian ni Cristo.

²⁴ Inyo ngang ipakita sa kanila ^(X)sa harapan ng mga iglesia ang katunayan ng ^(Y)inyong pagibig, at ng ^(Z)aming pagmamapuri dahil sa inyo.