I Ioannis 3:18-24

Biblia Sacra Vulgata

¹⁸ Filioli mei, non diligamus verbo neque lingua, sed opere et veritate:

¹⁹ in hoc cognoscimus quoniam ex veritate sumus: et in conspectu ejus suadebimus corda nostra.

²⁰ Quoniam si reprehenderit nos cor nostrum: major est Deus corde nostro, et novit omnia.

²¹ Carissimi, si cor nostrum non reprehenderit nos, fiduciam habemus ad Deum:

²² et quidquid petierimus, accipiemus ab eo: quoniam mandata ejus custodimus, et ea, quae sunt placita coram eo, facimus.

²³ Et hoc est mandatum ejus: ut credamus in nomine Filii ejus Jesu Christi: et diligamus alterutrum, sicut dedit mandatum nobis.

²⁴ Et qui servat mandata ejus, in illo manet, et ipse in eo: et in hoc scimus quoniam manet in nobis, de Spiritu quem dedit nobis.