Fyrra bréf Páls til Korin 3:10-15

Icelandic Bible

¹⁰ Eftir þeirri náð, sem Guð hefur veitt mér, hef ég eins og vitur húsameistari lagt grundvöll, er annar byggir ofan á. En sérhver athugi, hvernig hann byggir.

¹¹ Annan grundvöll getur enginn lagt en þann, sem lagður er, sem er Jesús Kristur.

¹² En ef einhver byggir ofan á grundvöllinn gull, silfur, dýra steina, tré, hey eða hálm,

¹³ þá mun verk hvers um sig verða augljóst. Dagurinn mun leiða það í ljós, af því að hann opinberast með eldi og eldurinn mun prófa hvílíkt verk hvers og eins er.

¹⁴ Ef nú verk einhvers fær staðist, það er hann byggði ofan á, mun hann taka laun.

¹⁵ Ef verk einhvers brennur upp, mun hann bíða tjón. Sjálfur mun hann frelsaður verða, en þó eins og úr eldi.