I Corinthios 10:1-6

Biblia Sacra Vulgata

10 Nolo enim vos ignorare fratres, quoniam patres nostri omnes sub nube fuerunt, et omnes mare transierunt,

² et omnes in Moyse baptizati sunt in nube, et in mari:

³ et omnes eamdem escam spiritalem manducaverunt,

⁴ et omnes eumdem potum spiritalem biberunt (bibebant autem de spiritali, consequente eos, petra: petra autem erat Christus):

⁵ sed non in pluribus eorum beneplacitum est Deo: nam prostrati sunt in deserto.

⁶ Haec autem in figura facta sunt nostri, ut non simus concupiscentes malorum, sicut et illi concupierunt.