1 Mga Hari 17:2-7

Magandang Balita Biblia (with Deuterocanon)

² Pagkatapos, sinabi ni Yahweh kay Elias, ³ “Umalis ka rito at magtago ka sa batis ng Carit, sa silangan ng Jordan. ⁴ Maiinom mo ang tubig sa batis at may inutusan akong mga uwak na maghahatid sa iyo ng pagkain.”

⁵ Sinunod nga ni Elias ang sinabi ni Yahweh. Lumakad siya at nanirahan sa may batis ng Carit, sa silangan ng Jordan. ⁶ Umaga't hapon, may mga uwak na nagdadala sa kanya ng pagkain, at sa batis naman siya umiinom. ⁷ Ngunit dumating ang panahon na natuyo na rin ang batis.