1 Timoteo 3
Ang Biblia, 2001
Mga Katangian ng Magiging Obispo
3 Tapat ang salita: Kung ang sinuman ay naghahangad na maging obispo,[a] siya ay nagnanais ng mabuting gawain.
2 Kailangan(A) na ang obispo ay walang kapintasan, asawa ng isang babae, mapagpigil, matino ang pag-iisip, kagalang-galang, mapagpatuloy ng panauhin, mahusay magturo,
3 hindi mahilig sa alak, hindi mapusok kundi mahinahon, hindi palaaway, at hindi maibigin sa salapi.
4 Dapat ay pinamamahalaan niyang mabuti ang kanyang sariling sambahayan, sinusupil ang kanyang mga anak, at may lubos na paggalang.
5 Sapagkat kung ang sinuman ay hindi marunong mamahala ng kanyang sariling sambahayan, paano niya pangangalagaan ang iglesya ng Diyos?
6 Hindi isang bagong hikayat, baka siya magpalalo at mahulog sa kahatulan ng diyablo.
7 Bukod dito'y dapat din namang siya'y magkaroon ng mabuting patotoo mula sa mga nasa labas, baka siya mahulog sa kahihiyan at bitag ng diyablo.
Mga Katangian sa Pagiging Diakono
8 Gayundin naman ang mga diakono ay dapat na maging kagalang-galang, hindi dalawang dila, hindi nalululong sa maraming alak, hindi mga sakim sa masamang pagkakakitaan,
9 na iniingatan ang hiwaga ng pananampalataya nang may malinis na budhi.
10 At ang mga ito rin naman ay subukin muna; at kung mapatunayang walang kapintasan, hayaan silang maglingkod bilang mga diakono.
11 Gayundin naman, ang mga babae ay dapat na maging kagalang-galang, hindi mapanirang-puri, kundi mapagpigil, tapat sa lahat ng mga bagay.
12 Ang mga diakono ay dapat na may tig-iisang asawa lamang, at pinamamahalaang mabuti ang kanilang mga anak at ang kanilang sariling mga sambahayan.
13 Sapagkat ang mga nakapaglingkod nang mabuti bilang mga diakono ay nagtatamo para sa kanilang sarili ng isang mabuting katayuan, at ng malaking pagtitiwala sa pananampalataya kay Cristo Jesus.
Ang Hiwaga ng Ating Pananampalataya
14 Ang mga bagay na ito ay aking isinusulat sa iyo, na umaasang makakarating sa iyo sa madaling panahon,
15 ngunit kung ako'y maantala, ay maaari mong malaman kung ano ang dapat ugaliin ng bawat tao sa bahay ng Diyos, na siyang iglesya ng Diyos na buháy, ang haligi at suhay ng katotohanan.
16 Walang pag-aalinlangan, dakila ang hiwaga ng kabanalan:
Siyang[b] nahayag sa laman,
pinatunayang matuwid sa espiritu,[c] nakita ng mga anghel,
ipinangaral sa mga bansa,
sinampalatayanan sa sanlibutan,
tinanggap sa itaas sa kaluwalhatian.
Footnotes
- 1 Timoteo 3:1 o tagapangasiwa .
- 1 Timoteo 3:16 Sa ibang mga kasulatan ay Ang Diyos .
- 1 Timoteo 3:16 o sa pamamagitan ng Espiritu .
1 Timothy 3
Revised Standard Version
Qualifications of Bishops
3 The saying is sure: If any one aspires to the office of bishop, he desires a noble task. 2 Now a bishop must be above reproach, the husband of one wife, temperate, sensible, dignified, hospitable, an apt teacher, 3 no drunkard, not violent but gentle, not quarrelsome, and no lover of money. 4 He must manage his own household well, keeping his children submissive and respectful in every way; 5 for if a man does not know how to manage his own household, how can he care for God’s church? 6 He must not be a recent convert, or he may be puffed up with conceit and fall into the condemnation of the devil;[a] 7 moreover he must be well thought of by outsiders, or he may fall into reproach and the snare of the devil.[b]
Qualifications of Deacons
8 Deacons likewise must be serious, not double-tongued, not addicted to much wine, not greedy for gain; 9 they must hold the mystery of the faith with a clear conscience. 10 And let them also be tested first; then if they prove themselves blameless let them serve as deacons. 11 The women likewise must be serious, no slanderers, but temperate, faithful in all things. 12 Let deacons be the husband of one wife, and let them manage their children and their households well; 13 for those who serve well as deacons gain a good standing for themselves and also great confidence in the faith which is in Christ Jesus.
The Mystery of Our Religion
14 I hope to come to you soon, but I am writing these instructions to you so that, 15 if I am delayed, you may know how one ought to behave in the household of God, which is the church of the living God, the pillar and bulwark of the truth. 16 Great indeed, we confess, is the mystery of our religion:
He[c] was manifested in the flesh,
vindicated[d] in the Spirit,
seen by angels,
preached among the nations,
believed on in the world,
taken up in glory.
Footnotes
- 1 Timothy 3:6 Or slanderer
- 1 Timothy 3:7 Or slanderer
- 1 Timothy 3:16 Greek Who; other ancient authorities read God; others, Which
- 1 Timothy 3:16 Or justified
Revised Standard Version of the Bible, copyright © 1946, 1952, and 1971 the Division of Christian Education of the National Council of the Churches of Christ in the United States of America. Used by permission. All rights reserved.