1 Timoteo 3:8-10

Ang Salita ng Dios (Tagalog Contemporary Bible)

Ang mga Tagapaglingkod sa Iglesya

⁸ Ganoon din naman sa mga tagapaglingkod sa iglesya:^[a] kailangang kagalang-galang sila, tapat sa kanilang salita, hindi lasenggo, at hindi sakim. ⁹ Kailangang iniingatan nila nang may malinis na konsensya ang ipinahayag na katotohanan tungkol sa pananampalataya kay Cristo. ¹⁰ Kailangan ding masubok muna sila; at kung mapatunayang karapat-dapat, hayaan silang makapaglingkod.