1 Tesalonica 4:16-18

Magandang Balita Biblia

¹⁶ Sa araw na iyon ay maririnig ang tinig ng arkanghel at ang tunog ng trumpeta ng Diyos, at ang Panginoon mismo ay bababâ mula sa langit na sumisigaw. At ang mga namatay na sumasampalataya kay Cristo ay bubuhayin muna. ¹⁷ Pagkatapos, tayo namang mga buháy pa at natitira ay titipunin sa alapaap kasama ng mga binuhay upang salubungin ang Panginoon sa himpapawid. Sa gayon, makakapiling natin siya magpakailanman. ¹⁸ Kaya nga, palakasin ninyo ang loob ng bawat isa sa pamamagitan ng mga salitang ito.