1 Samuel 21:1-3

Magandang Balita Biblia

Nagpunta si David sa Nob

21 Si^{(A) (B)} David ay nagpunta sa Nob at nagtuloy siya sa paring si Ahimelec. Sinalubong siya nito at nanginginig na tinanong, “Wala kang kasama? Bakit ka nag-iisa?” ² Sumagot si David, “Inutusan ako ng hari at ayaw niyang ipasabi kahit kanino. Iniwan ko ang aking mga kasama. Nagpapahintay ako doon sa kanila. ³ Ano bang makakain diyan? Bigyan mo ako ng limang tinapay o kahit anong nariyan.”