1 Samuel 2:20-22

Ang Biblia (1978)

²⁰ At binasbasan ni ^(A)Eli si Elcana at ang kaniyang asawa, at sinabi, Bigyan ka nawa ng Panginoon ng binhi sa babaing ito sa lugar ng ^(B)hingi na kaniyang hiningi sa Panginoon. At sila'y umuwi sa kanilang sariling bahay.

²¹ At ^(C)dinalaw ng Panginoon si Ana, at siya'y naglihi, at nagkaanak ng tatlong lalake at dalawang babae. At ang batang si Samuel ay lumalaki sa harap ng Panginoon.

²² Si Eli nga ay totoong matanda na; at kaniyang nababalitaan ang lahat ng ^(D)ginagawa ng kaniyang mga anak sa buong Israel, at kung paanong sila'y sumisiping sa mga babae na naglilingkod sa pintuan ng tabernakulo ng kapisanan.