1 Samuel 18:9-11

Magandang Balita Biblia (with Deuterocanon)

⁹ At mula noon ay naging masama ang kanyang pagtingin kay David.

¹⁰ Kinabukasan, si Saul ay muling ginambala ng masamang espiritu at naging parang baliw. Kaya, tinugtog ni David ang kanyang alpa, tulad ng ginagawa niya araw-araw. Hawak noon ni Saul ang kanyang sibat at ¹¹ dalawang beses niyang sinibat si David sapagkat gusto niya itong patayin, ngunit parehong nailagan iyon ni David.