1 Samuel 17:54-56

Ang Salita ng Dios (Tagalog Contemporary Bible)

⁵⁴ Dinala ni David ang ulo ni Goliat sa Jerusalem, at inilagay sa kanyang tolda ang mga armas ni Goliat.

⁵⁵ Habang pinagmamasdan ni Saul si David na papalapit kay Goliat para makipaglaban, tinanong ni Saul si Abner, na kumander ng mga sundalo, “Abner, kaninong anak ang binatilyong iyan?” Sumagot si Abner, “Hindi ko po alam, Mahal na Hari.” ⁵⁶ Sinabi ni Saul, “Alamin mo kung kanino siyang anak.”