1 Samuel 13:14-16

Ang Biblia (1978)

^14 (A)Nguni't ngayon ay hindi matutuloy ang iyong kaharian: ang Panginoo'y humanap para sa kaniya ng isang lalaking ayon sa kaniyang sariling puso, at inihalal ng Panginoon siya na maging prinsipe sa kaniyang bayan, sapagka't hindi mo ginanap ang iniutos ng Panginoon sa iyo.

¹⁵ At bumangon si Samuel at umahon siya mula sa Gilgal hanggang sa ^(B)Gabaa ng Benjamin. At binilang ni Saul ang bayan na nakaharap sa kaniya, ^(C)na may anim na raang lalake.

¹⁶ At si Saul, at si Jonathan na kaniyang anak, at ang bayan na nakaharap sa kanila, ay tumigil sa Geba ng Benjamin: nguni't ang mga Filisteo ay humantong sa Michmas.