1 Samuel 10:20-22

Ang Salita ng Dios (Tagalog Contemporary Bible)

²⁰ Pinalapit ni Samuel ang bawat lahi ng Israel at ang lahi ni Benjamin ang napili. ²¹ Pagkatapos, pinapunta ni Samuel sa harapan ang lahi ni Benjamin ayon sa sambahayan at ang pamilya ni Matri ang napili. Si Saul na anak ni Kish ang napili sa pamilya ni Matri, pero nang hanapin nila si Saul ay hindi nila ito makita. ²² Kaya tinanong nila ang Panginoon, “Nasaan po siya?” Sumagot ang Panginoon, “Nandito siya. Nagtatago siya sa bunton ng mga bagahe.”