1 Samuel 1:5-7

Magandang Balita Biblia (with Deuterocanon)

⁵ Ngunit mga natatanging bahagi ang ibinibigay niya kay Ana sapagkat mahal na mahal niya ito bagama't^[a] hindi ipinahintulot ni Yahweh na ito'y magkaanak. ⁶ Si Ana ay palaging kinukutya ni Penina dahil hindi niloob ni Yahweh na magkaroon siya ng anak. ⁷ Ito'y ginagawa ni Penina taun-taon, tuwing pupunta sila sa bahay ni Yahweh. Labis naman itong dinaramdam ni Ana kaya't napapaiyak siya at hindi makakain.