1 Pedro 1:2-12

Ang Biblia (1978)

^2 (A)Ayon ^(B)sa paunang kaalaman ng Dios Ama, sa pagpabanal ng Espiritu, upang magsitalima at ^(C)mangawisikan ng dugo ni Jesucristo: ^(D)Biyaya at kapayapaan nawa ang sa inyo'y sumagana.

³ Purihin nawa ang Dios ^(E)at Ama ng ating Panginoong Jesucristo, na ayon sa kaniyang malaking awa ay ipinanganak na muli ^(F)tayo sa isang buhay na pagasa ^(G)sa pamamagitan ng pagkabuhay na maguli ni Jesucristo sa mga patay,

⁴ Sa isang manang di nasisira, at walang dungis, at hindi kumukupas, ^(H)na inilaan sa langit para sa inyo,

⁵ Na sa kapangyarihan ng Dios ^(I)ay iniingatan sa pamamagitan ng pananampalataya sa ikaliligtas na nahanda upang ihayag sa huling panahon.

⁶ Na ito ang inyong totoong ikinagagalak, bagama't ^(J)ngayo'y sa sangdaling panahon, ^(K)kung kailangan, ay pinalumbay kayo sa muli't muling pagsubok,

⁷ Upang ^(L)ang pagsubok sa inyong pananampalataya na lalong mahalaga kay sa ginto na nasisira bagama't ito'y ^(M)sinusubok sa pamamagitan ng apoy, ^(N)ay masumpungan sa ikapupuri at ikaluluwalhati at ikararangal ^(O)sa pagpapakahayag ni Jesucristo:

⁸ Na hindi ninyo nakita ay inyong iniibig; ^(P)na bagama't ngayon ay hindi ninyo siya nakikita, gayon ma'y ^(Q)inyong sinasampalatayanan, na kayo'y nangagagalak na totoo na may galak na di masayod at puspos ng kaluwalhatian:

^9 (R)Na inyong tinatanggap ang layunin ng inyong pananampalataya, ang pagkaligtas ng inyong mga kaluluwa.

¹⁰ Tungkol sa pagkaligtas na ito ay nagsikap at nagsiyasat na maigi ^(S)ang mga propeta, na nangagsihula tungkol sa biyayang dadating sa inyo:

¹¹ Na sinisiyasat ang kahulugan kung ano at kailang panahon itinuro ^(T)ng Espiritu ni Cristo na sumasa kanila, ^(U)nang patotohanan nang una ang mga pagbabata ni Cristo, at ang mga kaluwalhatiang hahalili sa mga ito.

¹² Na ipinahayag sa kanila, na hindi sa ganang kanilang sarili, kundi sa ganang inyo, pinangasiwaan nila ang mga bagay na ito, na ngayo'y ibinalita sa inyo sa pamamagitan ng mga nagsipangaral sa inyo ng evangelio sa pamamagitan ^(V)ng Espiritu Santo na sinugo mula sa langit; na ang mga bagay na ito'y ninanasang mamasdan ng mga anghel.