1 Mga Hari 7:7-9

Magandang Balita Biblia

⁷ Ang silid na kinalalagyan ng trono na tinatawag ding Bulwagan ng Katarungan at kung saan nagbibigay ng hatol si Solomon, ay may dingding, sahig at kisame na tablang sedar.

⁸ Sa^(A) likod naman ng bulwagang iyon ay nagpagawa siya ng kanyang tirahan, at ang yari nito'y tulad ng silid Hukuman. Ang kanyang reyna, ang anak ng Faraon, ay ipinagtayo rin niya ng tirahan, at ito'y katulad ng sa kanya.

⁹ Ang lahat ng gusali ay yari sa naglalakihang bato na tinabas ng lagari sa likod at harap.