1 Mga Hari 15:7-9

Ang Biblia, 2001

⁷ Ang iba pa sa mga gawa ni Abiam, at ang lahat niyang ginawa, hindi ba nasusulat ang mga iyon sa Aklat ng mga Kasaysayan^[a] ng mga hari ng Juda? At nagkaroon ng digmaan sina Abiam at Jeroboam.

⁸ At si Abiam ay natulog na kasama ng kanyang mga ninuno at kanilang inilibing siya sa lunsod ni David. Si Asa na kanyang anak ay naghari na kapalit niya.

Si Asa ay Naghari sa Juda^(A)

⁹ Nang ikadalawampung taon ni Jeroboam na hari ng Israel, nagsimula si Asa na maghari sa Juda.