1 Mga Hari 12:16-18

Ang Biblia (1978)

Nanghimagsik ang Israel.

¹⁶ At nang makita ng buong Israel na hindi sila dininig ng hari, ay sumagot ang bayan sa hari, na nagsasabi, ^(A)Anong bahagi mayroon kami kay David? at wala man kaming mana sa anak ni Isai: sa iyong mga tolda, Oh Israel: ngayon ikaw ang bahala ng iyong sariling sangbahayan, David. Sa gayo'y yumaon ang Israel sa kanikaniyang tolda.

¹⁷ Nguni't tungkol sa mga anak ni Israel na nagsitahan sa mga bayan ng Juda, ay ^(B)pinagharian sila ni Roboam.

¹⁸ Nang magkagayo'y ^(C)sinugo ng haring Roboam si Adoram na nasa pagpapaatag; at binato ng buong Israel siya ng mga bato, na anopa't siya'y namatay. At nagmadali ang haring Roboam na sumakay sa kaniyang karo, upang tumakas sa Jerusalem.