1 Mga Hari 1:33-39

Ang Biblia (1978)

³³ At sinabi ng hari sa kanila, ^(A)Ipagsama ninyo ang mga lingkod ng inyong panginoon, at pasakayin ninyo ang aking anak na si Salomon sa aking sariling mula, at ^(B)ilusong ninyo siya sa ^(C)Gihon.

³⁴ At pahiran siya ng langis doon ni ^(D)Sadoc na saserdote at ni Nathan na propeta na maging hari sa Israel: at kayo'y ^(E)magsihihip ng pakakak, at magsipagsabi, Mabuhay ang haring si Salomon.

³⁵ Kung magkagayo'y magsisiahon kayong kasunod niya, at siya'y paririto, at uupo sa aking luklukan: sapagka't siya'y magiging hari, na kahalili ko: at inihalal ko siyang maging prinsipe sa Israel at sa Juda.

³⁶ At si Benaia na anak ni Joiada ay sumagot sa hari, at nagsabi, Siya nawa: ang Panginoon, ang Dios ng aking panginoon na hari ay magsabi nawa ng ganyan din.

³⁷ Kung paanong ang Panginoon ay sumaaking panginoon na hari ay gayon suma kay Salomon ^(F)at gawin nawa ang kaniyang luklukang lalong dakila kay sa luklukan ng aking panginoong haring si David.

³⁸ Sa gayo'y si Sadoc na saserdote at si Nathan na propeta, at si Benaia na anak ni Joiada, at ang mga ^(G)Ceretheo, at ang mga ^(H)Peletheo ay nagsibaba, at pinasakay si Salomon sa mula ng haring si David, at dinala sa Gihon.

³⁹ At kinuha ni Sadoc na saserdote ang sisidlang sungay ng langis mula sa ^(I)Tolda, at pinahiran ng langis si Salomon. ^(J)At sila'y humihip ng pakakak; at ang buong bayan ay ^(K)nagsabi, Mabuhay ang haring si Salomon.