1 Corinto 7:6-8

Ang Salita ng Dios (Tagalog Contemporary Bible)

⁶ Ang sinasabi koʼy hindi isang utos kundi mungkahi lamang. ⁷ Kung pwede lang, gusto ko sanang kayong lahat ay maging katulad ko na walang asawa. Ngunit may kanya-kanyang kaloob sa atin ang Dios, at hindi ito pare-pareho.

⁸ Ngayon, ito naman ang masasabi ko sa mga wala pang asawa at sa mga biyuda: mas mabuti kung magpatuloy na lang kayo sa kalagayan ninyong iyan.