1 Corinto 10:1-4

Magandang Balita Biblia

Mga Babala Laban sa Diyus-diyosan

10 Mga^(A) kapatid, nais kong malaman ninyo ang nangyari sa ating mga ninuno noong panahon ni Moises. Silang lahat ay naliliman ng ulap sa kanilang paglalakbay at sa pagtawid sa Dagat na Pula. ² Sa gayon, nabautismuhan silang lahat^[a] sa ulap at sa dagat bilang mga tagasunod ni Moises. ³ Kumain^(B) silang lahat ng iisang pagkaing espirituwal, ⁴ at uminom^(C) din ng iisang inuming espirituwal, sapagkat uminom sila sa batong espirituwal na sumubaybay sa kanila, at ang batong iyon ay si Cristo.