ΠΡΟΣ ΚΟΡΙΝΘΙΟΥΣ Α΄ 1:26-31

1894 Scrivener New Testament

²⁶ βλεπετε γαρ την κλησιν υμων αδελφοι οτι ου πολλοι σοφοι κατα σαρκα ου πολλοι δυνατοι ου πολλοι ευγενεις

²⁷ αλλα τα μωρα του κοσμου εξελεξατο ο θεος ινα τους σοφους καταισχυνη και τα ασθενη του κοσμου εξελεξατο ο θεος ινα καταισχυνη τα ισχυρα

²⁸ και τα αγενη του κοσμου και τα εξουθενημενα εξελεξατο ο θεος και τα μη οντα ινα τα οντα καταργηση

²⁹ οπως μη καυχησηται πασα σαρξ ενωπιον αυτου

³⁰ εξ αυτου δε υμεις εστε εν χριστω ιησου ος εγενηθη ημιν σοφια απο θεου δικαιοσυνη τε και αγιασμος και απολυτρωσις

³¹ ινα καθως γεγραπται ο καυχωμενος εν κυριω καυχασθω