79 Oh Dios, ^(A)ang mga bansa ay dumating sa ^(B)iyong mana;
^(C)Ang iyong banal na templo ay kanilang nilapastangan;
^(D)Kanilang pinapaging bunton ang Jerusalem.
² Ang mga bangkay ng iyong mga lingkod ay ^(E)ibinigay nila na pagkain sa mga ibon sa himpapawid,
Ang laman ng iyong mga banal ay sa mga hayop sa lupa.
³ Ang kanilang dugo ay ibinubo nila na parang tubig sa palibot ng Jerusalem;
^(F)At walang naglibing sa kanila.
^4 (G)Kami ay naging kadustaan sa aming kalapit,
Kasabihan at kakutyaan nilang nangasa palibot namin.
⁵ Hanggang kailan, Oh Panginoon, magagalit ka magpakailan man?
^(H)Magaalab ba ang iyong paninibugho na parang apoy?
^6 (I)Ibugso mo ang iyong pagiinit sa mga bansa na hindi nangakakakilala sa iyo,
At sa mga kaharian na hindi nagsisitawag sa iyong pangalan.
⁷ Sapagka't kanilang nilamon ang Jacob,
At inilagay na sira ang kaniyang tahanan.
^8 (J)Huwag mong alalahanin laban sa amin ang kasamaan ng aming mga magulang:
Magmadali ang iyong mga malumanay na kaawaan na tulungan kami:
Sapagka't kami ay totoong hinamak.
⁹ Iyong tulungan kami, Oh Dios ng aming kaligtasan, dahil sa kaluwalhatian ng iyong pangalan:
At iyong iligtas kami, at linisin mo ang aming mga kasalanan, ^(K)dahil sa iyong pangalan.
^10 (L)Bakit sasabihin ng mga bansa,
Saan nandoon ang kanilang Dios?
Ang ^(M)kagantihan sa dugo na nabubo sa iyong mga lingkod
Maalaman nawa ng mga bansa sa aming paningin.
^11 (N)Dumating nawa sa harap mo ang buntong-hininga ng bihag;
Ayon sa kadakilaan ng iyong kapangyarihan ay palagiin mo yaong nangatakda sa kamatayan:
¹² At ibalik mo sa aming mga kalapit-bansa sa ^(O)makapito ^(P)sa kanilang sinapupunan,
Ang kanilang pagduwahagi na kanilang idinuwahagi sa iyo, Oh Panginoon.
¹³ Sa gayo'y ^(Q)kaming iyong bayan at mga tupa sa pastulan mo
Mangagpapasalamat sa iyo magpakailan man:
Aming ipakikilala ang iyong kapurihan sa lahat ng mga lahi.