قورح ، داتن اور ابیرام موسیٰ کے خلا ف ہو جا تے ہیں

16 قورح ، داتن ، ابیرام اور اون موسیٰ کے خلا ف ہو گئے۔ قورح اِضہار کا بیٹا ، اِضہا ر قہات کا بیٹا تھا اور قہات لاوی کا بیٹا تھا۔ اِہلیاب کے بیٹے داتن اور ابیرام بھا ئی تھے۔ اور اون پلت کا بیٹا تھا داتن، ابیرام او ر اون رُوبن کی نسل سے تھے۔ ² اُن چار آدمیوں نے اسرا ئیل کے ۲۵۰ آدمیوں کو ایک ساتھ جمع کیا اور یہ موسیٰ کے خلا ف آئے یہ ۲۵۰ بنی اسرا ئیلیوں میں معزز قائد تھے۔ وہ لوگوں کی طرف سے چُنے گئے تھے۔ ³ وہ ایک گروہ کی حیثیت سے موسیٰ اور ہارون کے خلا ف بات کرنے آئے اُن آدمیوں نے موسیٰ اور ہا رون سے کہا ، “ ہم اُس سے متفق نہیں جو تم نے کیا ہے۔ اسرائیلی گروہ کے تمام لوگ پاک ہیں۔ خداوند اُن کے ساتھ ہے تم اپنے کو تمام لوگوں سے اونچی جگہ پر کیوں رکھ رہے ہو ؟

⁴ جب موسیٰ نے یہ بات سُنی تو وہ زمین پر گر گئے۔ ⁵ تب موسیٰ نے قورح اور اس کے ساتھیوں سے کہا ، “کل صبح خداوند دکھائے گا کہ کون آدمی حقیقت میں اُس کا ہے خداوند دکھا ئے گا کہ کون آدمی حقیقت میں پاک ہے اور خداوند اسے اپنے قریب لے جا ئے گا۔ خداوند اس آدمی کو چُنے گا اور خداوند اس آدمی کو اپنے قریب لے گا۔ ⁶ اس لئے قورح تمہیں اور تمہا رے تمام ساتھیوں کو یہ کرنا چا ہئے کہ تم آتش دان لو ، ⁷ اس آتش دان کو کو ئلے کے آ گ سے بھرو اور پھر اس میں کل خداوند کے سامنے بخور رکھو۔ اس آدمی کو جسے خداوندچنے گا وہی مقدس ہو گا۔ اے لا وی کے بیٹو ! تم میں سے بس وہ کا فی ہے۔”

⁸ موسیٰ نے قورح سے یہ بھی کہا، “لاوی نسل کے لوگو میری بات سُنو ! ⁹ کیا یہ کا فی نہیں ہے کہ اسرا ئیل کے خدا نے تم لوگوں کو الگ اور خاص بنا یا ہے۔ تم لوگ باقی بنی اسرائیلی سے مختلف ہو۔ خداوند نے تمہیں اپنے قریب کیا تا کہ تم خداوند کی عبادت میں بنی اسرائیلیوں کی مدد کیلئے خداوند کے مقدس خیمہ میں خاص کام کر سکو کیا یہ تمہارے لئے کافی نہیں ہے ؟ ¹⁰ خداوند تمہیں اور دوسرے تمام لا وی نسل کے لوگوں کو اپنے قریب لا یا ہے لیکن اب تم کا ہن بھی بننا چاہتے ہو۔ ¹¹ تم اور تمہا رے ساتھی ایک ساتھ ہو کر خداوند کے خلا ف میں آئے ہو۔ کیا ہا رون نے کچھ بُرا کیا ہے ؟ نہیں تو پھر اُس کے خلاف شکایت کرنے کیوں آئے ہو ؟ ”۔

¹² تب موسیٰ نے اِلیاب کے بیٹے داتن اور ابیرام کو بُلا یا لیکن دونو ں آدمیوں نے کہا ، “ہم لوگ نہیں آئیں گے ! ¹³ تم ہمیں اُس ملک سے باہر نکال لا ئے ہو جو اچھی چیزوں سے بھر پور تھا اور جہاں دودھ او ر شہد کی ندیاں بہتی تھیں۔ تم ہم لوگوں کو یہاں ریگستان میں مارنے کے لئے لا ئے ہو اور اب تم دِکھانا چاہتے ہو کہ تم ہم لوگوں پر زیادہ حق بھی رکھتے ہو۔ ¹⁴ ہم لوگ تمہا رے کہنے کو کیوں مانیں؟ تم ہم لوگوں کو اس نئے ملک میں نہیں لا ئے جہاں ہر اچھی چیزیں موجود ہوں۔ تم نے وہ زمین نہیں دی جس کا خداوند نے وعدہ کیا تھا۔ تم نے ہم لوگوں کو کھیت یا انگور کے باغ نہیں دیئے ہیں۔ کیا تم لوگوں کو دھوکہ دینا جا ری رکھو گے ؟ نہیں ہم لوگ تمہا رے ساتھ نہیں آئیں گے۔”

¹⁵ اس لئے موسیٰ بہت غصّے میں آئے اس نے خداوند سے کہا ، “اُن کی نذر ہی قبول نہ کر میں نے ا ُن سے کچھ نہیں لیا ہے۔ ایک گدھا تک نہیں اور میں نے اُن میں سے کسی کا بُرا نہیں کیا ہے۔”

¹⁶ تب موسیٰ نے قورح سے کہا ، “تمہیں کل خدا کے سامنے کھڑا ہو نا چا ہئے۔ ہا رون بھی تمہا رے ساتھ کھڑا ہو گا۔ ¹⁷ تم میں سے ہر ایک کو ایک برتن لا نا چا ہئے اور اُس میں بخو ر رکھنا چا ہئے۔ یہ ۲۵۰ آتش دان قائدین کے لئے ہوں گے اور ایک برتن اپنے لئے اور ایک ہا رون کے لئے۔ ان سارے برتن کو خداوند کے سامنے لے جا ؤ۔ تمہیں اور ہا رون کو فردا ً فرداً اپنے برتنوں خداوند کے سامنے لے جانا چا ہئے۔”

¹⁸ اس لئے ہر ایک آدمی نے ایک ایک برتن لیا اور اس میں جلتے ہو ئے بخور رکھے تب وہ خیمٴہ اجتماع کے دروازے پر کھڑے ہو ئے۔ موسیٰ اور ہا رون بھی وہاں کھڑے ہو ئے۔ ¹⁹ قورح نے اپنے تمام ساتھیوں کو ایک ساتھ جمع کیا۔ یہ وہ آدمی ہیں جو موسیٰ اور ہا رون کے خلا ف ہو گئے تھے۔ قورح نے ان تمام کو خیمٴہ اجتماع کے دروازے پر جمع کیا تب خداوند کا جلا ل وہاں پوری جماعت پر ظا ہر ہوا۔

²⁰ خداوند نے موسیٰ اور ہارون سے کہا ، ²¹ “ان لوگوں سے دُور ہٹو۔ میں اب انہیں پل بھر میں تباہ کرنا چا ہتا ہوں۔”

²² لیکن موسیٰ اور ہا رون زمین پر گِر پڑے اور چلّا ئے ، “اے خداوند ، سارے لوگوں کی روحوں کا خدا مہربانی کر کے اُس پو رے گروہ پر غصّہ نہ کر۔ حقیقت میں ایک ہی آدمی نے گناہ کیا ہے۔”

²³ تب خداوند نے موسیٰ سے کہا ، ²⁴ “لوگوں سے کہو وہ قورح ، داتن اور ابیرام کے خیموں سے دور ہٹ جا ئیں۔”

²⁵ موسیٰ کھڑے ہو ئے اور داتن اور ابیرام کے پاس گئے۔ اسرائیل کے تمام بزرگ اس کے پیچھے چلے۔ ²⁶ موسیٰ نے لوگوں کو خبردار کیا اُن بُرے آدمیوں کے خیموں سے دور ہٹ جا ؤ اُن کی کسی چیز کو نہ چھو نا اور اگر تم لوگ چھو ؤ گے تو اِن کے گنا ہوں کی وجہ سے تباہ ہو جا ؤگے۔

²⁷ اس لئے لوگ قورح ، داتن اور ابیرام کے خیموں سے دور ہٹ گئے۔ داتن اور ابیرام اپنے خیمے کے با ہر اپنی بیوی بچے اور چھو ٹے بچوں کے ساتھ کھڑے تھے۔

²⁸ تب موسیٰ نے کہا ، “ میں تمہیں ثبوت دوں گا کہ خداوند نے مجھے یہ تمام چیزیں کرنے کے لئے بھیجا میں تم کو کہہ چکا ہوں میں یہ بتا ؤں گا کہ وہ تمام چیزیں میرے خیال کی نہیں ہیں۔ ²⁹ یہ آدمی یہاں مر جا ئیں گے لیکن اگر یہ عام طریقے سے مرتے ہیں جیسا کہ عام آدمی مرتے ہیں تو یہ ظا ہر ہو گا کہ خداوند نے حقیقت میں مجھے نہیں بھیجا۔ ³⁰ لیکن اگر خداوند ایک نئی چیز تخلیق کرے تو تمہیں معلوم ہو گا کہ یہ آدمی حقیقت میں خداوند کے خلا ف گناہ کیا ہے۔ یہی ثبوت ہے زمین پھٹ جا ئے گی اور ان آدمیوں کو نگل لے گی۔ وہ اپنی قبروں میں زندہ ہی جا ئیں گے اور ان کی ہر ایک چیز اُن کے ساتھ نیچے چلی جا ئے گی۔”

³¹ جب موسیٰ نے اپنی باتیں کہنا ختم کیا ، کہ ان لوگوں کے پیروں کے نیچے زمین کھلی۔ ³² یہ ایسا تھا جیسے زمین نے اپنا منہ کھو لا اور انہیں کھا گئی اور ان کے سارے خاندان ، قورح کے تمام آدمی اور ان کی سبھی چیزیں زمین میں چلی گئیں۔ ³³ وہ زندہ ہی قبر میں چلے گئے ان کی ہر ایک چیز ان کے ساتھ زمین میں سما گئی۔ تب زمین اُن کے اوپر سے بند ہو گئی۔ وہ تباہ ہو گئے اور اپنی جماعت سے غا ئب ہو گئے۔

³⁴ بنی اسرا ئیلیوں نے تباہ شدہ لوگوں کا رو نا چِلّا نا سُنا اس لئے وہ چا روں طرف دو ڑ پڑے اور کہنے لگے، “زمین ہم لوگوں کو بھی نگل جا ئے گی۔”

³⁵ تب خداوند سے آ گ آئی اور اس نے ۲۵۰ آدمیوں کو جو بخور نذر کر رہے تھے تباہ کر دیا۔

³⁶ خداوند نے موسیٰ سے کہا ، “ ^37-38 ہا رون کے بیٹے کا ہن الیعزر سے کہو وہ آ گ میں سے بخور کے برتن کو لے لے خیمہ سے دور کے علا قے میں اُن کوئلوں کو پھیلا ئے۔ بخور کے برتن اب بھی پاک ہیں۔ یہ وہ برتن ہیں جو اُن آدمیوں کے ہیں جنہوں نے میرے خلا ف گنا ہ کیا تھا۔ ان کے گناہ کی قیمت ان کی زندگی ہو ئی۔ برتنوں کو پیٹ کر پتروں میں بدلو۔ ان دھا توں کے پتروں کا استعمال قربا ن گا ہ کو ڈھکنے کے لئے کرو۔ وہ پاک تھے کیوں کہ انہیں خداوند کے سامنے پیش کیا گیا تھا۔ اُن چپٹے برتنوں کو سبھی بنی اسرائیلیوں کے لئے عبرت بننے دو۔”

³⁹ تب کا ہن الیعزر نے کانسے کے ان تمام برتنوں کو جمع کیا جنہیں وہ لوگ لا ئے تھے۔ وہ سبھی آدمی جل گئے تھے لیکن برتن وہاں بچے ہو ئے تھے۔ تب الیعزر نے کچھ آدمیوں کو برتنوں کو پیٹ کر چپٹا کرنے کے لئے کہا۔ تب اس نے پیٹے ہو ئے دھا ت کی اس چپٹی چادر کو قربانگا ہ پر رکھا۔ ⁴⁰ اس نے اسے ویسے ہی کیا جیسا خداوندنے موسیٰ کے ذریعہ حکم دیا تھا۔ یہ نشانی تھی جس سے بنی اسرا ئیل یاد رکھ سکیں کہ صرف ہا رون کے خاندان کے آدمی کو خداوند کے سامنے بخور نذر کرنے کا حق ہے۔ اگر کو ئی دوسرے آدمی خداوند کے سامنے خوشبو جلا تا ہے تو وہ آدمی قورح اور اس کے ساتھیوں کی طرح ہو جا ئے گا۔

ہا رون کا لوگوں کی حفاظت کرنا

⁴¹ اگلے دن بنی اسرا ئیلیوں نے موسیٰ اور ہا رون کے خلا ف شکا یت کی۔ انہوں نے کہا ، “تم نے خداوند کے لوگوں کو ما را ہے۔”

⁴² موسیٰ اور ہا رون خیمٴہ اجتماع کے دروازے پر کھڑے تھے۔ لوگ اس جگہ پر موسیٰ اور ہا رون کی شکایت کرنے کے لئے جمع ہو ئے۔ لیکن جب انہوں نے خیمٴہ اجتماع کو دیکھا تو بادل نے اسے ڈھک لیا اور وہاں خداوند کا جلا ل ظا ہر ہوا۔ ⁴³ تب موسیٰ اور ہا رون خیمٴہ اجتماع کے سامنے گئے۔

⁴⁴ تب خداوند نے موسیٰ سے کہا۔ ⁴⁵ “ان لوگوں سے دور ہٹ جا ؤ تا کہ میں ابھی انہیں تباہ کر سکوں۔” موسیٰ اور ہا رون منہ کے بل زمین پر گرپڑے۔

⁴⁶ تب موسیٰ نے ہا رون سے کہا ، “بخور دان لے اور قربان گاہ سے کو ئلے کی آ گ لیکر اس میں ڈال۔ پھر اس میں بخور ڈا لو اور لوگوں کے گروہ کے پاس جلدی جا ؤ۔ اور ان لوگوں کے لئے کفارہ ادا کرو۔ کیونکہ خداوند ان پر غصّہ میں ہے۔ بیما ری شروع ہو چکی ہے۔”

⁴⁷ اس لئے ہا رون نے موسیٰ کے کہنے کے مطا بق کام کیا۔ خوشبو اور آ گ کو لینے کے بعد وہ لوگوں کے بیچ دوڑ کر پہونچا لیکن لوگوں میں بیما ری پہلے ہی شروع ہو چکی تھی۔ ہا رون نے لوگوں کے کفارہ کیلئے بخور کا نذرانہ پیش کیا۔ ⁴⁸ ہا رون مرے ہو ئے اور زندوں کے بیچ میں کھڑا ہوا اور پھر بیما ری رُک گئی۔ ⁴⁹ اس لئے ۷۰۰ ،۱۴ لوگ اس بیما ری کی وجہ سے مر گئے۔یہ سب لوگ قورح کے سبب سے مرنے والوں کے علاوہ تھے۔ ⁵⁰ تب ہارون خیمہٴ اجتماع کے درواز ہ پر موسیٰ کے پاس آئے تو لوگوں کی بھیانک بیماری روک دی گئی۔