యోనా 2

Telugu Holy Bible: Easy-to-Read Version

³ “నీవు నన్ను సముద్రంలోకి విసరివేశావు.
    తీవ్రమైన నీ అలలు నన్ను ముంచెత్తాయి.
నేనీ అగాధ సముద్రం లోతులదాకా పోయాను.
    నా చుట్టూ జల ప్రళయం.
⁴ ‘ఇక నేను చూడలేని స్థలానికి తోయబడ్డాను’ అని అనుకున్నాను.
    కాని సహాయం కొరకు నేను నీ పవిత్ర ఆలయం వైపు చూస్తూనే ఉన్నాను.

⁵ “సముద్రజలం నన్ను ముంచివేసింది.
    నీరు నా నోటిని మూసివేసింది,
    నేను శ్వాస పీల్చుకోలేకుండా ఉన్నాను.
ఈ సముద్రపు లోతులలోకి నేను వెళ్లాను.
    సముద్రపు మొక్కలు నా తలకు చుట్టుకున్నాయి.
⁶ పర్వతాల పునాదులున్న చోట,
    సముద్రపు అట్టడుగున నేను ఉన్నాను.
ఈ చెరలో నేను శాశ్వతంగా మూయబడి ఉన్నాననుకున్నాను.
    కానీ నా దేవుడైన యెహోవా నన్ను నా సమాధినుండి బయటకు లేపాడు!
ఓ నా దేవా, నీవు నాకు మళ్లీ ప్రాణం పోశావు!

⁷ “నా ఆత్మ నిరాశ చెందింది,
    అప్పుడు నేను యెహోవాను తలచుకొన్నాను.
యెహోవా, నిన్ను నేను ప్రార్థించాను.
    నీ పవిత్రాలయంలో నీవు నా ప్రార్థనలు విన్నావు.

⁸ “కొంతమంది ప్రజలు పనికిరాని విగ్రహాలను పూజిస్తారు.
    కానీ ఆ విగ్రహాలు వారికి ఎన్నడూ సహాయం చేయలేవు.
⁹ యెహోవానుండి మాత్రమే రక్షణ లభిస్తుంది!
    యెహోవా, నీకు నేను బలులు అర్పిస్తాను.
నీకు కృతజ్ఞతాస్తుతులు చెల్లిస్తాను.
    నీకు నేను ప్రత్యేక మొక్కులు మొక్కుతాను.
నా మొక్కుబడులు నేను చెల్లిస్తాను.”