పరమ గీతము 7

Telugu Holy Bible: Easy-to-Read Version

7 రాకుమారీ,^[a] నీ పాదరక్షల్లో నీ అడుగులెంతో అందంగా ఉన్నాయి
నీ తొడల వంపులు శిల్పి మలిచిన ఆభరణాల్లా ఉన్నాయి.
² నీ నాభి గుండ్రటి కలశం (జాడి)లా ఉంది
    దానికెన్నడూ ద్రాక్షారసం కొరత లేకుండుగాక.
నీ ఉదరం (కడుపు) పద్మ వలయితమైన
    గోధుమ రాశిలా ఉంది.
³ నీ స్తనాలు తామరలో మేసే ఒక
    కవల జింక పిల్లల్లా ఉన్నాయి.
⁴ నీ మెడ దంతపు గోపురంలా ఉంది
నీ నేత్రాలు బాత్ రబ్బీన్ సరసన ఉన్న
    హెష్బోనులోని రెండు తటాకాల్లా ఉన్నాయి.
నీ నాసిక దమస్కు దిక్కుకి చూచే
    లెబానోను శిఖరంలా ఉంది.
⁵ నీ తల కర్మెలు పర్వతంలా,
    నీ తల నీలాలు పట్టుకుచ్చుల్లా వున్నాయి.
నీ సుదీర్ఘ కేశాలు చూసిన రాజు కూడా
    నీ వశం అవుతాడు.
⁶ నీవు అతీత సుందరివి! అత్యంత మనోహరివి!
    అందమైన, ఆహ్లాదకరమైన యువతివి!
⁷ నీవు తాళవృక్షంలా పొడుగరివి.
    నీ స్తనాలు తాటిపళ్ల గెలల్లా వున్నాయి.
⁸ నాకు ఆ చెట్టుపైకి ఎక్కాలని,
    దాని మట్టలు పట్టాలని ఉంది.

¹⁰ నేను నా ప్రియునిదానను
    నాయందు అతనికి వాంఛ ఉంది!
¹¹ ఓ నా ప్రియుడా రమ్ము,
    పొలానికి వెళదాము రమ్ము,
    పల్లెల్లో రేయి గడుపుదాము రమ్ము,
¹² పెందలకడ లేచి ద్రాక్షాతోటలకు పోదాము
    ద్రాక్షా తీగలు మొగ్గ తొడిగాయో లేదో
ఆ మొగ్గలు విచ్చుకున్నాయో లేదో
    దానిమ్మ చెట్లు విరబూశాయో లేదో తనివితీరా చూద్దాము, రమ్ము.
అక్కడ నేనిచ్చునా ప్రేమ అందుకొన రమ్ము.