எசேக்கியேல் 30

Tamil Bible: Easy-to-Read Version

“‘அழுதுகொண்டே சொல்:
    “அந்தப் பயங்கரமான நாள் வருகிறது.”
³ அந்த நாள் அருகில் உள்ளது!
ஆம், கர்த்தருடைய நியாயத்தீர்ப்பு நாள் அருகில் உள்ளது.
    அது மேகமூடிய நாள்.
    இது நாடுகளை நியாயந்தீர்க்கும் காலமாக இருக்கும்!
⁴ எகிப்திற்கு எதிராக ஒரு வாள் வருகிறது!
    எத்தியோப்பியாவிலுள்ள ஜனங்கள் பயத்தால் நடுங்குவார்கள், அந்த நேரத்தில் எகிப்து விழும்.
பாபிலேனின் படை எகிப்திய ஜனங்களைச் சிறை பிடித்துச் செல்லும்.
    எகிப்தின் அடித்தளம் உடைந்து போகும்!

⁶ “‘எனது கர்த்தராகிய ஆண்டவர் இவற்றைக் கூறுகிறார்:
எகிப்திற்கு ஆதரவளிக்கும் ஜனங்கள் வீழ்வார்கள்!
    அவளது பலத்தின் பெருமை அழியும்.
மிக்தோல் முதல் செவெனே வரைக்குமுள்ள எகிப்திய ஜனங்கள் போரில் கொல்லப்படுவார்கள்.
    எனது கர்த்தராகிய ஆண்டவர் இவற்றைக் கூறுகிறார்!
⁷ எகிப்து அழிக்கப்பட்ட மற்ற நாடுகளோடு சேரும்.
    எகிப்தும் வெறுமையான நாடுகளில் ஒன்றாகும்.
⁸ நான் எகிப்தில் ஒரு நெருப்பைக் கொளுத்துவேன்.
    அவளது ஆதரவாளர்கள் எல்லோரும் அழிக்கப்படுவார்கள்.
பிறகு நானே கர்த்தர் என்பதை அவர்கள் அறிவார்கள்!

¹⁰ எனது கர்த்தராகிய ஆண்டவர் இவற்றைக் கூறுகிறார்:
“நான் பாபிலோன் ராஜாவைப் பயன்படுத்துவேன்.
    நான் நேபுகாத்நேச்சாரை எகிப்து ஜனங்களை அழிக்கப் பயன்படுத்துவேன்.
¹¹ நேபுகாத்நேச்சாரும் அவனது ஜனங்களும்
    நாடுகளிலேயே மிகவும் கொடூரமானவர்கள்.
    நான் எகிப்தை அழிக்க அவர்களைக் கொண்டுவருவேன்.
அவர்கள் தம் வாள்களை எகிப்திற்கு எதிராக உருவுவார்கள்.
    அவர்கள் அத்தேசத்தை மரித்த உடல்களால் நிரப்புவார்கள்.
¹² நான் நைல் நதியை வறண்ட நிலமாக்குவேன்.
    பிறகு நான் வறண்ட நிலத்தைத் தீயவர்களுக்கு விற்பேன்.
நான் அந்நியர்களைப் பயன்படுத்தி அந்நாட்டைக் காலி பண்ணுவேன்!
    கர்த்தராகிய நான் பேசியிருக்கிறேன்.”

¹³ எனது கர்த்தராகிய ஆண்டவர் இவற்றைக் கூறுகிறார்.
“நான் எகிப்திலுள்ள விக்கிரகங்களை அழிப்பேன்.
    நான் நோப்பின் சிலைகளை வெளியே அப்புறப்படுத்துவேன்.
எகிப்து நாட்டில் இனிமேல் ஒரு தலைவனும் இருக்கமாட்டான்.
    நான் எகிப்து நாட்டில் அச்சத்தை வைப்பேன்.
¹⁴ நான் பத்ரோசைக் காலி பண்ணுவேன்.
    நான் சோவானில் நெருப்பைக் கொளுத்துவேன்.
    நான் நோ நகரைத் தண்டிப்பேன்.
¹⁵ நான் எகிப்தின் கோட்டையான சீனுக்கு விரோதமாக எனது கோபத்தை ஊற்றுவேன்.
    நான் நோ ஜனங்களை அழிப்பேன்!
¹⁶ நான் எகிப்தில் நெருப்பைக் கொளுத்துவேன்.
    சீன் என்னும் பெயருள்ள நகரம் துன்பத்தில் இருக்கும்.
நோ நகரத்திற்குள் வீரர்கள் நுழைவார்கள்.
    நோ ஒவ்வொரு நாளும் புதிய துன்பங்களை அனுபவிக்கும்.
¹⁷ ஆவென், பிபேசெத் ஆகிய நகரங்களின் இளைஞர்கள் போரில் மரிப்பார்கள்.
    பெண்கள் சிறைபிடிக்கப்பட்டு கொண்டுசெல்லப்படுவார்கள்.
¹⁸ நான் எகிப்தின் நுகங்களை முறிக்கும்போது தக்பானேசிலே பகல் இருண்டு போகும்.
    எகிப்தின் பெருமையான பலம் முடிந்துபோகும்!
எகிப்தை ஒரு மேகம் மூடும்.
    அவளது குமாரத்திகள் சிறைபிடிக்கப்பட்டு கொண்டுசெல்லப்படுவார்கள்.
¹⁹ எனவே நான் எகிப்தைத் தண்டிப்பேன்.
    பிறகு நானே கர்த்தர் என்பதை அவர்கள் அறிவார்கள்!”