A A A A A
Bible Book List

होसे 9Awadhi Bible: Easy-to-Read Version (ERV-AWA)

देस स निकारे भए क दुःख

हे इस्राएल, दूसर जातियन क तरह बहोत जियादा उत्सव पसन्द जिन करा। काहेकि तू मोर प्रति अविस्सासी होइ गवा ह अउर तू आपन परमेस्सर क दूर खड़ा होइ गवा ह। तू पचे लबार देवतन क वाचा क हर खरिहाने क धरती पइ पूरा करइ चाहत ह। मुला ओन खरिहानन स मिला भवा अनाज इस्राएल क पर्याप्त भोजन नाहीं दइ पाइ। इस्राएल बरे पर्याप्त दाखरस भी नाहीं रही।

इस्राएल क लोग यहोवा क धरती पइ नाहीं रहि पइहीं। एप्रैम मिस्र क लउटि जाइ। अस्सूर मँ ओनका वइसा खइया क खाइ पड़ी जइसा ओनका नाहीं खाइ चाही। उ पचे यहोवा बरे अउर दाखरस क चढ़ावा नाहीं चढ़इहीं। ओनकर बलियन ओका खुस नाहीं करब, उ पचे दाह-संस्कार क रोटी क नाई होइहीं जउन एका खइहीं अपवित्तर होइ जइहीं। ओनकर रोटी सिरिफ ओकर भूख मिटाहीं, मुला यहोवा क मन्दिर मँ बलि नाहीं होइहीं। नियत पर्व क दिन अउर यहोवा क उत्सव क दिन तू पचे का करिहीं?

इस्राएल क लोग पूरी तरह स नस्ट होइ क डरे स अस्सूर क ग रहेन मुला मिस्र ओनका बटोरि क लइ लेइ। मोप क लोग ओनका गाड़ देइहीं। चाँदी स भरे ओनके खजानन पइ खरपतवार उगि आइ। ओनकर डेरन मँ, काँटेदार झाड़ी उगि अइहीं।

इस्राएल सच्चे नबियन क नकारेस

निआव क दिन आइ गवा! सज़ा क दिन आइ गवा! इस्राएल क एका जरूर जानइ चाही! मुला उ पचे सोचत हीं कि नबी मूरख अहइ अउर आतिमा स प्रेरित जन पागल अहइ। तू आपन बहोत सारे पापन क कारण अउर काहेकि तू नबी क संदेस स घिना करत ह तू अइसा सोचत ह। नबी क कारज परमेस्सर बरे अइसा ही अहइ जइसा कउनो पहरेदार एप्रैम बरे पहरेदारी करत ह। मुला रस्ता अनेक फँदन स भरा भवा अहइ, काहेकि परमेस्सर क लोग तउ प भी हम स घिना करत हीं।

उ पचे बहोत भरस्ट होइ गवा ह, ठीक वइसा ही जइसा गिबा क दिनन मँ होत रहेन। बहरहाल यहोवा ओनकर अपराध क याद रखत ह अउर ओनकर पाप क सज़ा देत ह।

मूरति पूजा क कारण इस्राएल क विनास

10 “जब मइँ इस्राएल क पाएस, मइँ यहोवा बहोत खुस भाव जइसा कउनो मनई रेगिस्ताने मँ अंगूर पाएस ह। जब मइँ तोहार पुरुखन क लेखस, मइँ महसूस किह्या कि जइसा कि ऋतु क सुरुआत मँ अंजीर क बृच्छ पइ कउनो क अंजीर क पहिले फल मिलत हीं। मुला उ पचे तउ बाल-पेआँर [a] क लगे चला गएन अउर बाल देवतन क भक्त होइ गएन। उ पचे घृणित देवतन क जइसा होइ गएन जेका उ पिरेम करत रहेन।

इस्राएलियन क बंस नाहीं बाढ़ी

11 “एप्रैम क महिमा एक चिड़िया क नाईं उड़त हीं। उ पचे एकर पाछे न कउनो गरभ धारण करी, या न गरभवती होइ, या न कउनो गदेलन जन्म देइहीं। 12 मुला भले ही इस्राएली आपन गदेलन पाल भी लेइहीं तउ भी सब बेकार होइ जाइ। मइँ ओनसे ओनकर गदेलन छोर लेब। ओकर लगे सिरिफ मुसीबतन ही रहइ काहेकि मइँ ओनसे मु़डि जाब।”

13 मइँ लखत हउँ कि एप्रैम आपन सन्तानन क एक फँदा कइँती लइ जात अहइ। एप्रैम आपन गदेलन क इ हत्यारा क लगे बाहेर लइ जात अहइ। 14 हे यहोवा, तू ओनका का देइ चाहत अहइ? ओनका अइसा गर्भ द्या, जेका गर्भपात होइ जात ह। ओनका अइसेन थन दइ द्या जउन दूध नाहीं देइ सकी।

15 उ पचे गिलगल मँ बहोत सारा बुरा काम किहेन रहेन!
    मइँ ओनसे ओकरे काम क कारण घिना करइ सुरू किहे रहेउँ।
मइँ ओनका आपन घरे स निकरि फेंकब,
    मइँ ओनसे अब पिरेम नाहीं करत रहब।
ओनकर सबहिं मुखिया लोग
    मोर खिलाफ मुड़ि गवा अहइँ।
16 एप्रैम पइ मसीबत आएस ह।
    उ पचे पूरी तरह उपजहीन होइ जाई।
    जदपि उ कउनो गदेलन क जन्म देइँ,
मइँ ओकरे कीमती गदेलन क मार डाउब
    जइसे ही उ ओका जन्म देब्या।
17 मोर परमेस्सर ओका अस्वीकार करिहीं,
    काहेकि उ पचे मोका नाहीं सुनिही।
इहइ कारण अहइ कि उ पचे जातियन क बीच मँ भटकत रहिहीं।

Footnotes:

  1. होसे 9:10 बाल पेआँर इ भवा जब मूसा इस्राएलियन क रेगिस्ताने मँ अगुवाइ करत रहा। पढ़ा गनती 25:1-5
Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes