स्तोत्रसंहिता 83

Marathi Bible: Easy-to-Read Version

⁹ देवा, तू जसा मिद्यानचा, सीसरा व याबीन यांचा
    किशोन नदीजवळ पराभव केलास तसाच तू शत्रूचा पराभव कर.
¹⁰ तू त्यांचा एन-दोर येथे पराभव केलास
    आणि त्यांची प्रेते जमिनीवर कुजली आणि त्यांचे खत बनले.
¹¹ देवा, शत्रूच्या प्रमुखाचा पराभव कर.
    तू ओरेब व जेब यांचे जे केलेस तेच त्यांचेही कर जेबह व सलमुन्ना यांचे जे केलेस तसेच त्यांचे ही कर.
¹² देवा, ते लोक आम्हाला जबरदस्तीने तुझ्या वस्तीवरुन जायला सांगत होते
    म्हणजे त्यांना तिचा ताबा घेता येईल.
¹³ देवा, तू त्यांना गवतासारखे वाऱ्यावर उडवून लाव वाऱ्याने
    वाळलेलं गवत इतरत्र पसरतं तस तू त्यांना पसरवून दे.
¹⁴ अग्नी जसा जंगलाचा व डोंगराचा नाश करतो
    तसा तू शत्रूचा नाश कर.
¹⁵ देवा, वादळात धूळ जशी उडून जाते, तसे तू त्या लोकांचा पाठलाग करुन त्यांना उडवून लाव.
    त्यांना गदगदा हलव आणि तुफानात उडवून दे.
¹⁶ देवा, आपण खरोखरच अशक्त आहोत हे त्यांना कळून येऊ दे.
    नंतर त्यांना तुझ्या नावाचा धावा करायची इच्छा होईल.
¹⁷ देवा, त्या लोकांना खूप घाबरवून सोड आणि त्यांना कायमचे लज्जित कर.
    त्यांना काळीमा फास आणि त्यांचा नाश कर.
¹⁸ नंतर त्यांना तू देव आहेस हे कळेल.
    तुझे नाव यहोवा आहे हे त्यांना कळेल.
तू सर्वशक्तिमान देवच सर्व जगाचा देव आहेस
    हे ही त्यांना कळेल.