स्तोत्रसंहिता 25

Marathi Bible: Easy-to-Read Version

⁴ परमेश्वरा तुझे मार्ग आत्मसात करण्यासाठी मला मदत कर.
    मला तुझे मार्ग शिकव.
⁵ मला मार्ग दाखव आणि मला तुझे सत्य शिकव
    तू माझा देव आहेस,
    माझा तारणारा आहेस मी रोज तुझ्यावर विश्वास टाकतो.
⁶ परमेश्वरा, माझ्याशी दयाळू राहायचे लक्षात असू दे
    तुझ्याजवळचे नेहमीचे कोवळे प्रेम मला दाखव.
⁷ माझे पाप आणि तरुणपणी मी ज्या वाईट गोष्टीकेल्या त्या लक्षात ठेवू नकोस
    परमेश्वरा, तुझ्या चांगल्या कीर्तीसाठी माझी प्रेमाने आठण ठेव.

⁸ परमेश्वर खरोखरच चांगला आहे.
    तो पापी माणसांना जगण्यासाठी योग्यमार्ग दाखवतो.
⁹ तो दीन माणसांना त्यांचे मार्ग दाखवतो तो
    त्यांचे न्यायीपणाने नेतृत्व करतो.
¹⁰ जे लोक परमेश्वराचे करार आणि वचने पाळतात त्यांच्याशी
    तो सच्चा आणि दयाळू असतो.

¹¹ परमेश्वरा, मी अनेक चुकीच्या गोष्टी केल्या.
    परंतु तुझा चांगुलपणा दाखवण्यासाठी तू मला त्याबद्दल क्षमा केलीस.

¹² जर एखाद्याने परमेश्वराच्या मार्गाने जायचे ठरवले
    तर देव त्याला उत्तम रीतीने कसे जगायचे ते दाखवील.
¹³ तो माणूस चांगल्या गोष्टींचे सुख उपभोगील
    आणि त्याची मुले देवाने त्याला जी जमीन द्यायचे वचन दिले होते त्या जमिनीचे मालक बनतील.
¹⁴ परमेश्वर त्याचे रहस्य त्याच्या भक्तांना सांगतो.
    तो त्याच्या भक्तांना त्याचे करार शिकवतो.
¹⁵ मी नेहमी परमेश्वराकडे मदतीसाठी दृष्टी वळवतो.
    तो नेहमी माझी संकटातून मुक्तता करतो.

¹⁶ परमेश्वरा, मी दु:खा व एकाकी आहे.
    माझ्याकडे वळ व मला दया दाखव.
¹⁷ माझी माझ्या संकटांतून मुक्तता कर.
    माझ्या समस्या सोडवण्यासाठी मला मदत कर.
¹⁸ परमेश्वरा, माझ्या यातनांकडे व संकटांकडे पाहा.
    मला माझ्या सर्व पापांबद्दल क्षमा कर.
¹⁹ माझ्या सर्व शत्रूंकडे नजर टाक.
    ते माझा तिरस्कार करतात व मला दुख देतात.
²⁰ देवा, माझे रक्षण कर आणि मला वाचव.
    माझा तुझ्यावर विश्वास आहे, तेव्हा माझी निराशा करु नकोस.
²¹ देवा तू खरोखरच चांगला आहेस.
    माझा तुझ्यावर विश्वास आहे म्हणून तू माझे रक्षण कर.
²² देवा, इस्राएलाच्या लोकांचे
    त्यांच्या सर्व शत्रूंपासून रक्षण कर.