स्तोत्रसंहिता 14

Marathi Bible: Easy-to-Read Version

14 दुष्ट माणूस मनातल्या मनात म्हणतो, “देव नाही”
    पापी लोक फार भयानक आणि कुजक्या गोष्टी करतात
    त्यांच्यातला एकही जण चांगल्या गोष्टी करीत नाही.

² परमेश्वर स्वर्गातून खाली पाहात होता.
    त्याला शहाणे लोक शोधायचे होते
    शहाणेलोक मदतीसाठी देवाकडे वळतात.
³ परंतु प्रत्येकजण देवापासून दूर गेला आहे.
    सर्वलोक वाईट झाले आहेत.
एकही माणूस चांगली गोष्ट करत नव्हता.

⁴ दुष्टांनी माझ्या माणसांचा नाश केला.
    दुष्टांना देव माहीत नाही.
    त्यांच्याकडे खायला ^[a] खूप अन्न असते आणि ते परमेश्वराची उपासना करीत नाहीत.
⁵ त्या दुष्टांना गरीब माणसाच्या उपदेशाकडे लक्ष द्यायचे नव्हते.
    का? कारण तो गरीब माणूस देवावर अवलंबून होता.
⁶ परंतु देव त्याच्या चांगल्या माणसांबरोबर असतो.
    म्हणून वाईट लोकांना भीती वाटण्याजोगे बरेच काही असते.

⁷ सियोनमध्ये इस्राएलला कुणी वाचवले?
    परमेश्वरच इस्राएलला वाचवतो.
परमेश्वराच्या माणसांना दूर नेण्यात आले आणि त्यांना जबरदस्तीने कैदी बनवले गेले.
    परंतु परमेश्वर त्याच्या माणसांना परत आणील
    नतंर याकोब (इस्राएल) खूप आंनदी होईल.