योना 2

Marathi Bible: Easy-to-Read Version

² “मी फार मोठ्या संकटात सापडलो होतो.
    मी मदतीसाठी परमेश्वराला हाक मारली,
    आणि त्याने मला ओ दिली.
जेव्हा मी खोल थडग्यात होतो तेव्हा,
    हे परमेश्वर, मी तुझी आळवणी केली
    आणि तू माझा आवाज ऐकलास.

³ “तू मला समुद्रात फेकलेस तुझ्या प्रचंड
    लाटा माझ्याभोवती पाणी होते.
⁴ मग मी विचार केला, ‘की मी आता अशा ठिकाणी जावे की जिथे तू मला पाहू शकणार नाहीस.’
    तरी पण मी तुझ्या पवित्र मंदिराकडे मदतीच्या आशेने पाहतच राहिलो.

⁵ “समुद्राच्या पाण्याने मला वेढले
पाण्याने माझे तोंड बुडाले
    आणि मी श्वासोच्छवास करु शकत नव्हतो
मी खाली खूप खोल समुद्रात गेलो
    माझ्या डोक्याभोवती समुद्रशेवाळ गुंडाळले गेले.
⁶ मी समुद्रतळाशी, पर्वताच्या पायथ्याशी होतो
    मला कायमचे असे बंदिवासात राहावे
लागणार असेच मला वाटले पण माझ्या परमेश्वर देवाने
    मला थडग्यातून बाहेर काढले परमेश्वरा,
तू मला नवजीवन दिलेस!

⁷ “माझ्या आत्म्याने सर्व आशा सोडून दिल्या होत्या
    पण मग मला परमेश्वराचे स्मरण झाले परमेश्वरा,
मी तुझी प्रार्थना केली
    आणि तुझ्या पवित्र मंदिरात ती तू ऐकलीस.

⁸ “काहीजण निरुपयोगी मूर्तीची पूजा करतात
    पण ते पूतळे त्यांना कधीच मदत करीत नाहीत.
⁹ फक्त परमेश्वरा मुळेच तारण मिळते,
    हे परमेश्वरा, मी तुला यज्ञ अर्पण करीन
मी तुझे स्तवन करीन आणि कृतज्ञता व्यक्त करीन
    मी तुला नवस बोलेन आणि तो फेडेन.”