A A A A A
Bible Book List

योना 2Awadhi Bible: Easy-to-Read Version (ERV-AWA)

योना जब मछरी क पेटे मँ रहा, तउ उ आपन परमेस्सर यहोवा क पराथना किहेस। योना कहेस,

“मइँ गहिर विपदा मँ रहेउँ।
    मइँ यहोवा क दोहाइ दिहेउँ
    अउर उ मोका जवाब दिहस।
मइँ गहिर कब्र क बीचउ बीच रहेउँ।
    हे यहोवा, मइँ तोहका गोहॅराएउँ
    अउर तू मोर पुकार सुन्या!

“तू मोका समुद्दरे मँ लोकॉइ दिहे रह्या।
    तोहार ताकतवर लहरियन मोका थपेड़ा मारेन,
मइँ समुद्दरे क बीच मँ मइँ गहिरा स गहिरा उतरन चला गएउँ।
    मोरे चारिहुँ कइँती सिरिफ पानी ही पानी रहा।
फुन मइँ सोचेउँ, ‘अब मइँ, जाइ क मजबूर हउँ, जहाँ तोहार दृस्टि मोका देख नाहीं पाइ।’
    मुला मइँ सहायता पावइ क तोहरे पवित्तर मन्दिर कइँती निहारत रहब।

“समुद्दर क जल मोका लील लिहेस ह।
    पानी मोर मुँह बंद कइ दिहस,
    अउर मोर साँस घुटि गइ।
मइँ गहिर समुद्दरे क बीच उतरत चला गएउँ
    मोरे मूँड़े क चारिहुँ ओर खरपतवार लपट गएन ह।
मइँ समुद्दरे क तलहटी पइ पड़ा रहेउँ,
    जहाँ पर्वत जन्म लेत हीं।
मोका अइसा लाग, जइसे इ बन्दीघरे क बीच सदा सर्वदा बरे मोह पइ ताला जड़ा अहइँ।
    मुला हे मोर परमेस्सर यहोवा, तू मोका मोर इ कब्र स निकारि लिहा।
हे परमेस्सर, तू मोका जिन्नगी दिहा।

“जब मइँ बेहोस होत रहेउँ।
    तब मइँ यहोवा क सुमरन किहेउँ हे यहोवा,
मइँ तोहसे बिनती किहेउँ
    अउर तू मोर पराथनन आपन पवित्तर मन्दिर मँ सुन्या।

“लोग जउन बेकार मूरतियन क पूजा करत हीं
    यहोवा क छोड़ दिहेस जउन कि ओन लोगन बरे दयालु रहेन।
मुक्ति तउ बस सिरिफ यहोवा स आवत ह!
    हे यहोवा, मइँ तोहका सबइ बलि देब,
अउर तोहार गुन गाउब।
    मइँ तोहार धन्यवाद करब।
मइँ तोहार मन्नतन मँागब अउर आपन मन्नतन क पूरा करब।”

10 फुन यहोवा उ मछरी स कहेस अउर उ योना क झुरान धरती पइ आपन पेटे स बाहेर उगलि दिहस।

Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes