यहेजकेल 30

Awadhi Bible: Easy-to-Read Version

“‘रोआ अउर कहा,
    “उ भयंकर दिन आवत अहइ।”
³ उ दिन समीप अहइ।
    हाँ, निआउ करइ क यहोवा क दिन समीप अहइ।
इ एक दूदिन होइ।
    इ रास्ट्रन क संग निआउ करइ क समइ होइ।
⁴ मिस्र क विरूद्ध तरवार आइ।
    कूस क लोग भय स काँपि उठिहीं, जउने समइ मिस्र क पतन होइ।
बाबुल क सेना मिस्र क लोगन क बन्दी बनाइके लइ जाइ।
    मिस्र क नींब उखड़ि जाइ।

⁶ मोर सुआमी यहोवा इ कहत ह:
“हाँ, जउन लोग मिस्र क मदद करत हीं मिस्र क पतन होइ।
    ओकर सक्ति क घमण्ड खतम होइ।
मिस्र क लोग मिग्दोल स लइके सवेन तलक जुद्ध मँ मारा जइहीं।”
    मोर सुआमी यहोवा उ सबइ बातन कहेस।
⁷ मिस्र ओन देसन मँ मिलि जाइ जउन नस्ट कइ दीन्ह गएन।
    मिस्र ओन खाली देसन मँ स एक होइ।
⁸ मइँ मिस्र मँ आगी लगाउब
    अउर ओकर सबहिं सहायक नस्ट होइ जइहीं।
तब उ पचे जानिहीं कि मइँ यहोवा हउँ!

¹⁰ मोर सुआमी यहोवा इ कहत ह:
“मइँ बाबुल क राजा नबूकदनेस्सर क उपयोग करब
    अउर मइँ मिस्र क लोगन क नस्ट करब।
¹¹ नबूकदनेस्सर अउर ओकर लोग
    रास्ट्रन मँ सब स जियादा भयंकर अहइँ।
    मइँ ओनका मिस्र क नस्ट करइ बरे लिआउब।
उ पचे मिस्र क विरूद्ध आपन तरवारन निकरिहीं।
    उ पचे पहँटा क ल्हासन स पाट देइहीं।
¹² मइँ नील नदी क झुरान भुइँया बनाइ देब।
    तब मइँ झुरान भुइँया क बुरे लोगन क बेच देब।
मइँ अजनबियन क उपयोग उ देस क खाली करइ बरे करब।
    मइँ यहोवा, इ कहेउँ ह।”

¹³ मोर सुआमी यहोवा इ कहत ह:
“मइँ मिस्र मँ देवमूतरियन क नस्ट करब।
    मइँ मूरतियन क नोप स बाहेर करब।
मिस्र देस मँ कउनो भी प्रमुख भविस्स बरे नाहीं होइ,
    अउर मिस्र मँ भय भर देब।
¹⁴ मइँ पत्रोस क खाली कराइ देब।
    मइँ सोअन मँ आगी लगाइ देब।
    मइँ ‘नो’ क दण्ड देब।
¹⁵ अउर मइँ सीन नाउँ क मिस्र क किले क विरूद्ध आपन किरोध क बर्खा करब!
    मइँ ‘नो’ क लोगन क नस्ट करब।
¹⁶ मइँ मिस्र मँ आगी लगाउब।
    सीन नाउँ क सहर डर स काँपिहीं,
नो नगर मँ दुस्मन टूटि पड़िहीं
    अउर मेम्फिस पइ दिना क समइ हमला कीन्ह जाब्या।
¹⁷ आवेन अउ पीवेसेत क युवक जुद्ध मँ मारा जइहीं
    अउर मेहररूअन धरी जइहीं अउर लइ जाई जइहीं।
¹⁸ तहपन्हेस क इ काला दिन होइ, जब मइँ मिस्र क अधिकार क खतम करब
    मिस्र क गर्वाली सक्ति खतम होइ।
मिस्र क दूर्दिन ढक लेइ
    अउर ओकर बिटियन धरी अउ लइ जाइ जइहीं।
¹⁹ इ तरह मइँ मिस्र क दण्ड देब।
    तब उ पचे जनिहीं कि मइँ यहोवा हउँ।”