A A A A A
Bible Book List

यसायाह 15Awadhi Bible: Easy-to-Read Version (ERV-AWA)

मोआब क परमेस्सर क सँदेसा

15 इ दुःखद संदेस मोआब क बारे मँ अहइ:

एक राति मोआब मँ स्थित आर नगर लूटा गवा,
    उ तहस नहस कइ दीन्ह गवा।
एक राति मोआब मँ स्थित आर नगर लूटा गवा,
    उ नगर तहस नहस कइ दीन्ह गवा।
राजा क घराना अउ दिबोन क निवासी आपन दुःख रोवइ क ऊँचके पइ पूजा ठउरन पइ चला गएन।
    मोआब क निवासी नबो अउर मेदबा बरे रोवत हीं।
    ओन सबहिं लोग आपन दाढ़ी अउ मूँड़ आपन सोक दर्सावइ बरे मुड़वाए रहेन।
मोआब मँ सब कहूँ घरन अउ गलियन मँ,
    लोग सोक वस्त्र पहिरिके हाय हाय करत हीं।
हेसबोन अउ एलाले नगरन क निवासी बहोत ऊँच सुर मँ विलपत अहइँ।
    बहोत दूर यहस क नगरी तलक उ विलाप उनका जाइ सकत ह।
हिआँ तलक कि फउजी भी डेराइ ग अहइँ।
    उ सबइ फउजी भय स काँपत अहइँ।

मोर मन दुःख स मोआब बरे रोवत अहइ।
    लोग कहूँ सरण पावइ बरे दउड़त अहइँ।
    उ पचे सुदूर जोआर मँ जाइ क भागत अहइँ।
लोग दूर क देस एग्लतसलीसिय्या क परात अहइँ।
लोग लूहीत क पहाड़ी चढ़ाइ पइ रोवत बिलखत भए परात अहइँ।
    लोग होरोनैम क मार्ग पइ अउर उ पचे बहोत ऊँच ऊँच सुर मँ बिलखत भए जात अहइँ।
निम्रीम क नाला अइसे झुराइ गवा जइसे रेगिस्तान झुरान होत ह।
    सबहिं गेहुँअन क पउधा काटइ क पहिले मुरझा गएन।
सबइ घास खतम होइ गएन।
    हुवाँ कछू भी हरा नाहीं बचा बाटइ।
तउ लोग जउन कछू ओनके लगे अहइ ओका बटोरा करत हीं, अउर मोआब क तजत हीं।
    ओन वस्तुअन क लइके उ पचे नाले (पाप्लर या अराबा) स सीमा पार करत अहइँ।

मोआब मँ हर कहूँ विलाप ही सुनाई देत ह।
    दूर क नगर एगलैम मँ लोग बिलखत बाटेन। बेरेलीम नगर क लोग विलाप करत अहइँ।
दीमोन [a] नगर क जल खून मँ बदलि गवा अहइ।
    अउर मइँ दीमोन पइ अबहिं अउर बिपत्तियन डाउब।
मोआब क कछू निवासी सत्रु स बचि गवा अहइँ।
    मइँ ओन लोगन क खाइ बरे सेरन क पठउब।

Footnotes:

  1. यसायाह 15:9 दीमोन साइद इ दिबोन नगर अहइ। इ नाउँ क आवाज हिब्रू सब्द क जइसा अहइ जेकर अरथ अहइ “खून”।
Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes