यशया 41

Marathi Bible: Easy-to-Read Version

41 परमेश्वर म्हणतो,
“दूरवरच्या देशांनो, शांत व्हा आणि माझ्याकडे या.
राष्ट्रांनो, शूर व्हा,
    येऊन माझ्याशी बोला.
आपण एकत्र जमून कोणाचे
    बरोबर आहे ते ठरवू.
² माझ्या पुढील प्रश्नांना उत्तरे द्या:पूर्वेकडून येणाऱ्या माणसाला कोणी उठविले?
    चांगुलपणा त्याच्याबरोबर आहे.
तो त्याच्या तलवारीच्या जोरावर राष्ट्रांना पराभूत करतो मग त्यांची जणू माती होते.
    तो तीर सोडतो आणि राजांना जिंकतो.
    वाऱ्याने गवताची काठी उडावी तसे ते दूर पळतात.
³ तो सैन्याचा पाठलाग करतो पण त्याला कधीच ईजा होत नाही
    पूर्वी कधीही न गेलेल्या ठिकाणी तो जातो.
⁴ ह्या गोष्टी कोणी घडवून आणल्या? हे कोणी केले?
    सुरवातीपासून लोकांना कोणी बोलाविले?
मी, परमेश्वराने, या गोष्टी केल्या आरंभापासून
    मी म्हणजे परमेश्वर आहे, आरंभापूर्वीही मी येथे होतो
    आणि सर्व संपल्यावर मीच येथे असेन.
⁵ अती दूरच्या सर्व स्थळांनो,
    पाहा आणि भिऊन असा!
पृथ्वीवरच्या दूरवरच्या सर्व ठिकाणांनो,
    भीतीने थरथर कापा! इकडे
या आणि माझे ऐका.”
    आणि ते आले.

⁸ परमेश्वर म्हणतो, “इस्राएल, तू माझा सेवक आहेस.
    याकोब, मी तुझी निवड केली.
    तू अब्राहामच्या वंशातील आहेस. आणि अब्राहामवर प्रेम केले.
⁹ पृथ्वीवर खूप लांब,
    दूरच्या देशात होतास,
पण मी तुला बोलाविले
    व सांगितले, ‘तू माझा सेवक आहेस.’
मी तुझी निवड केली
    आणि मी कधीच तुझ्याविरूध्द् गेलो नाही.
¹⁰ काळजी करू नकोस मी तुझ्याबरोबर आहे,
    घाबरू नकोस, मी तुझा देव आहे.
मी तुला मदत करीन.
    मी माझ्या चांगुलपणाच्या
उजव्या हाताने तुला आधार देईन.
¹¹ बघ! काही लोक तुझ्यावर रागावले आहेत.
    पण ते लज्जित होतील.
तुझे शत्रू नाहीसे होतील व कायमचे निघून जातील.
¹² तू तुझ्याविरूध्द् असणाऱ्या लोकांना शोधशील
    पण ते तुला सापडू शकणार नाहीत.
ते संपूर्णपणे नाहीसे होतील.
¹³ मी परमेश्वर तुझा देव आहे,
    मी तुझा उजवा हात धरतो आहे,
मी तुला सांगतो:
    ‘घाबरू नकोस मी तुला मदत करीन.’
¹⁴ बहुमोल यहुदा, घाबरू नकोस.
    इस्राएलमधील माझ्या लाडक्या लोकांनो, भिऊ नका.
मी खरोखरच तुम्हाला मदत करीन.”

²⁵ “मी उत्तरेकडील एका माणसाला ^[a] उठविले
    तो उगवत्या सूर्याच्या दिशेकडून म्हणजे पूर्वेकडून येत आहे.
    तो माझी उपासना करतो.
कुंभार ज्याप्रमाणे चिखल तुडवितो, त्याप्रमाणे तो विशिष्ट माणूस राजांना तुडवेल.