A A A A A
Bible Book List

मीका 4Awadhi Bible: Easy-to-Read Version (ERV-AWA)

विवस्था यरूसलेम स आई

अगवा आवइवाली समइ इ घटना घटी।
    यहोवा क मन्दिर क पहाड़ सबहिं पहाड़न मँ बहोत ही महत्व स भरा भवा होइ जाइ।
ओका पहाड़न क ऊपर उठाइ दीन्ह जाइ।
    दूसर देसन क लोग ऍकरी कइँती उमड़ि पड़िहीं।
अनेक दूसर रास्ट्र आइहीं अउर कइहीं,
    “आवा! यहोवा क पहाड़े पइ ऊपर चलइँ।
    याकूब क परमेस्सर क मन्दिर चलइँ।
परमेस्सर हम पचन्क आपन राह सिखाइ।
    तउ हम पचे ओकरे पथ पइ चलब।”

काहेकि परमेस्सर क नेमन सिय्योन स आइ
    अउर यहोवा क बचन यरूसलेम स आइ।
परमेस्सर बहोत स जातियन क निआव करी।
    परमेस्सर ओन ससक्त देसन क फइसला करी, जउन बहोत-बहोत दूर अहइँ
अउर फुन उ सबइ आपन तरवारन गलाइके अउर ओनका पीटिके हरे क फार मँ बदल देइहीं।
    उ सबइ देस आपन भालन क पीटि पीटिके अइसे औजारन मँ बदलि देइहीं,
    जेनसे बृच्छन क काट छाँट होत रहत ह।
देस तरवारन क उठाइके आपुस मँ नाहीं लड़िहीं।
    अब उ सबइ जुद्ध क सबइ विद्या अउर जियादा नाहीं सीखिहीं।
मुला हर कउनो आपन अंगूरे क बेलन क तरखाले
    अउर अंजीर क पेड़ क नीचे बइठा करी।
कउनो भी मनई ओनका डेराइ नाहीं पाइ।
    काहे काहेकि सर्वसक्तीमान यहोवा इ कहेस ह।

दूसर देसन क सबहिं लोग आपन देवतन क अनुसरण करत हीं।
    मुला हम पचे आपन परमेस्सर यहोवा क सदा-सर्वदा अनुसरण करत हीं।

उ राज्ज जेका वापिस लिआउब अहइ

यहोवा कहत ह,
“उ समइ मँ मइँ जउन लँगड़ा होइ गवा ह
    एक संग बटोरब।
मइँ ओन लोगन क बटोरब जउन भेजा ग अहइ
    अउर ओन लोगन क जेकरे संग मइँ बुरा काम किहे रहउँ ह।

“उ ‘ध्वस्त’ नगरी क लोग बचा भवा लोग होइहीं।
    उ सहर क लोगन क
तजिके भाग जाइके मजबूर कीन्ह गवा रहा।
    मुला मइँ ओनका एक ठु सुदृढ़ जाति क रूप मँ बनाउब।”
यहोवा ओनकर राजा होइ
    अउर उ सिय्योन क पहाड़े पइ स सदा सासन करी।
हे रेवड़ क पहरा क मीनार,
    हे ओपेल, सिय्योन क पहाड़ी,
तू फुन स सरकार क जगह पइ बइठब्या।
    हे बिटिया यरूसलेम, [a]
उ राज्ज तोहमाँ ही रहब
    जइसा अतीत मँ रहा।

इस्राएलियन क बाबुल क लगे काहे जाइ चाही?

अब तू पचे काहे ऍतनी ऊँच आवाज मँ गोहरावत अहा?
    का तोहाँर सबन क राजा जात रहा बाटइ?
का तू पचे आपन मुखिया खोइ दिहा ह तू पचे अइसे तड़पत अहा
    जइसे कउनो मेहरारू बच्चा पइदा करइ क समइ मँ तड़पत ह।
10 सिय्योन क बिटिया, तू पीरा क झेला।
    तू उ मेहरारू जइसा होइ जा
जउन बच्चा पइदा करइ क समइ मँ फड़फड़ात ह।
    काहेकि अब तोहका नगर (यरूसलेम) क तजइ क बाटइ।
तोहका खुले मइदान मँ रहइ क बाटइ।
    तोहका बाबुल जाइ क होइ
किन्तु उ जगह स तोहार रच्छा होइ जाइ।
    यहोवा हुँआ आइ अउर उ तोहका तोहरे दुस्मनन स वापिस लइ आइ।

दूसर जातियन क यहोवा बर्बाद करी

11 तोहसे लड़इ बरे अनेक जाति अइहीं।
    उ पचे कहत हीं, “सिय्योन क लखा।
    ओह पइ हमला करा!”
12 लोगन्क ओनकर आपन योजनन अहइँ,
    मुला ओनका अइसी ओन बातन क पता नाहीं जेनके बारे मँ यहोवा योजना बनावत अहइ।
यहोवा ओन लोगन्क कउनो खास प्रयोजन बरे हिआँ लिआवा।
    उ सबइ लोग वइसे वुचुर दीन्ह जइहीं जइसे खरिहाने मँ अनाज क पूरी कुचरी जात हीं।

इस्राएल आपन दुस्मनन क पराजित कइके विजयी होइ

13 “हे सिय्योन क बिटिया, खड़ी होइ जा अउर तू ओन क कुचरि द्या।
    मइँ तोहका सक्तीसाली बनाउब।
तू अइसी होउबिउ जइसे तोहरे सींग लोहा क अउर तोहरे खुर काँसा क होइँ।
    तू बहोत स जातियन क नस्ट करब्या।
तू ओनके धने क यहोवा क अर्पित करा।
    तू ओनकर खजानन क समूची धरती क सुआमी क समपिर्त करब्या।”

Footnotes:

  1. मीका 4:8 बिटिया यरूसलेम यरूसलेम नगर क सीर्सक। हिब्रु सब्द क अरथ अहइ ‘बिटियाʆ अउर ‘उपनगरीʆ। यरूसलेम क पवर्त क बिटिया क रूम मँ दिखाया गवा ह जउन बना गवा अहइ।
Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes