A A A A A
Bible Book List

मीका 2Awadhi Bible: Easy-to-Read Version (ERV-AWA)

लोगन्क बुरी योजनन

ओन लोगन क बुरा होइ, जउन पाप स भरी योजना क बनावत हीं।
    अइसे लोग बिछउना मँ सोवत भए सड्यंत्र रचत हीं
अउर पौ फाटत ही आपन सड्यंत्रन पइ चलइ लागत हीं।
    काहेकि ओनके लगे ओनका पूरा करइ क सक्ती अहइ।
ओनका खेत चाही तउ उ पचे ओन सबन्क लइ लेत हीं।
    ओनका घर चाही तउ उ पचे ओन सबन्क लइ लेत हीं।
उ पचे कउनो मनई क छलत हीं अउ ओकर घर छोरि लेत हीं।
    उ पचे कउनो मनई क छलत हीं अउ ओसे ओकर चिजियन छोरि लेत हीं।

लोगन्क सजा देइ क यहोवा क योजनन

इहइ कारण अहइ कि यहोवा इ बातन क कहत ह:
“देखा, मइँ इ परिवारे पइ बिपदन ढावइ क योजना रचत हउँ।
    तू पचे आपन सुरच्छा नाहीं कइ पउब्या।
तू पचे घमण्ड स चलि छोड़ देब्या।
    काहेकि उ एक बुरा समइ होइ।
उहइ समइ लोग तू पचन्क हँसी उड़इहीं।
    तू तोहार बारे मँ लोग करुणा क गीत गइहीं अउर उ पचे कइहीं:
‘हम पचे बर्बाद होइ गए।
    यहोवा मोरे लोगन्क धरती छोरि लिहस ह अउर ओका दूसर लोगन्क दइ दिहस ह।
हाँ उ मोर धरती क मोसे छोरि लिहस ह।
    यहोवा हमार धरती हमरे दुस्मनन क बीच बाँटि दिहस ह।
यहोवा क परिसद मँ कउनो मनई अइसा नाहीं होइ
    जउन भुइँया क बाँटइ बरे पासा फेंकिहीं।’”

मीका क उपदेस देइ क मना करब

लोग कहा करत हीं, “तू हम पचन्क उपदेस जिन द्या।
    ओनका अइसे नाहीं कहइ चाही,
हम पइ कउनो भी बात बुरी नाहीं परी।”

याकूब क लोगो,
    का तू आपन-आप स कहत अहइ,
का यहोवा हमार संग आपन सब्र खो रहा अहइ?
    अगर उ सही मँ अइसा करत ही?
किन्तु मोर सब्द उ लोगन बरे नीक होइ
    जउन उचित तरीका स जिअत ह।
    का उ नाहीं अहइँ?

परमेस्सर क लोग परमेस्सर क दुस्मन होइ गएन

मुला अबहीं अबहीं, मोर ही लोग मोर दुस्मन होइ गवा अहइँ।
    तू पचे राहगीरन क ओढ़ना उतारत अहा।
जउन लोग सोचत हीं कि उ पचे सुरच्छित अहइँ,
    मुला तू पचे ओनसे ही चिजियन क छोरि लेत ह जइसे उ पचे जुद्ध बंदी होइँ।
मोरे मनइयन क मेहररूअन क तू पचे ओनके घरन स निकरि जाइके मजबूर किहा
    जउन घर सुन्नर अउ आरामदेह रहेन।
तू पचे मोरी महिमा क
    ओनके नान्ह नान्ह गदेलन स हमेसा-हमेसा बरे छोरि लिहा ह।
10 उठा अउर हिआँ स भागा।
    इ आराम क जगह नाहीं अहइ।
काहेकि इ ठउर असुद्ध होइ ग अहइ, इ बर्बाद होइ जाइ।
    इ खउफनाक विनास होइ।

11 अगर कउनो लबार नबी आवइ अउर उ लबार बोलइ,
    “तउ मइँ तोहका दाखरस
अउर मदिरा क बारे मँ उपदेस देब
    तउ उ तरह उ ओकर नबी बन जाइ।”

यहोवा अपने लोगन्क बटोरी

12 हे याकूब क लोगो, मइँ तू सबन्क बटोरब।
    मइँ निहिचइ ही तू सबन क एक जगह बटोरब।
मइँ इस्राएल क बचे भए लोगन क बटोरब।
    मइँ ओनका वइसा बटोरब
जइसे बाड़ा मँ भेड़िन बटोरी जात हीं।
    तउ उ पचे एक बड़ा भीड़ स जियादा हल्ला-गुल्ला करिहीं।
13 तब कउनो एक जउन रास्ता खोलत ह लोगन क समन्वा जाइ।
    उ दुआरन तोड़ब अउर इ सबइ लोगन क नेतृत्व करब।
उ सबइ लोग अजाद होइके उ सहर क तजिके निकरिहीं।
    ओनके समन्वा ओनकर राजा चली।
    लोगन्क समन्वा ओनकर यहोवा होइ।

Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes