A A A A A
Bible Book List

भजन संहिता 88Awadhi Bible: Easy-to-Read Version (ERV-AWA)

संगीत निदेर्सक बरे। कोरह परिवारन एज्रा-बंसी हेमान क एक ठु मस्किल। “माहलाथ लआन्नोथ” राग पइ।

88 हे परमेस्सर यहोवा, तू मोर उद्धारकर्त्ता अहा।
    मइँ तोहार रात-दिन विनती करत रहत हउँ।
कृपा कइके मोर पराथना पइ धियान द्या।
    मोह पइ दाया कइके मोर पराथना सुना।
मइँ आपन दुर्दसा स तंग होइ गवा हँउ।
    बस मइँ हाली ही मरि जाब।
लोग मोरे संग मुर्दा जइसा बेउहार करइ लागेन ह।
    उ मनई क तरह जउन जिअत रहइ बरे बहोत कमजोर अहइँ।
मोका मुर्दा लोगन क बीच मँ रखा गवा ह।
    मइँ कब्र क मुर्दन जइसा हउँ
जेका तू बिसर जाब्या।
    अउर जेका तोहरे उपस्थिति स हटाई दीन्ह गवा अहइ।
हे यहोवा, तू मोका कब्र क सबसे गहरी खाईं मँ डाइ दिहा ह।
    तू मोका घोर अँधेरी जगह मँ रख दिहा ह।
हे परमेस्सर, तोहका मोह पइ किरोध रहा,
    एह बरे तू मोका आपन किरोध क तरंगन स बर्बाद किहा ह।

तू मोका मोरे मीत लोगन स अलगाइ दिहा।
    एह बरे उ पचे मोसे अलग रहइ क जतन करत अहइँ,
    काहेकि तू मोका अइसा मनई बनाए अहा जेका कउनो भी छुअइ नाहीं चाहत ह।
मइँ आपन घरे क ही भीतरे बंदी बनि गवा हउँ
    अउर मइँ बाहेर जाइ नाहीं सकत हउँ।
    विपदा क कारण मोर आँखिन मँ पीड़ा अहइँ।
हे यहोवा, मइँ तोहसे निरन्तर पराथना करत हउँ
    अउर तोहार समर्थन मँ मइँ आपन हाथ उठावत हउँ।
10 हे यहोवा, का तू मृतक लोगन बरे अचरज भरा काम करब्या?
    का इ सम्भव अहइ कि एक मरा भवा आतिमा तोहार उपासना करी? (सेला)

11 जउन मरा भए अहइँ उ पचे आपन कब्र मँ स ओकरे कइँती तोहरे पिरेम क बारे मँ बताइ सकतेन।
    मरे भए लोगन मृत्युलोक स ओकरे कइँती तोहरी बिस्सास क नाहीं बताइ सकतेन।
12 मरे भए लोग अँधियारे मँ सोवत हीं उ पचे ओन अद्भुत बातन क जेनका तू करत अहा, नाहीं लखि सकतेन।
    उ पचे छोड़ा भवा भुइँया मँ तोहार कीन्ह भवा धामिर्कता क बारे मँ नाहीं बताइ सकतेन।
13 मुला मइँ मदद बरे तोहका गोहराएउँ ह, हे यहोवा।
    हर भिन्सारे मइँ तोहार समन्वा पराथना करत हउँ।
14 हे यहोवा, तू मोका काहे तजि दिहा ह?
    तू मोर सुनइ स काहे मना करत अहा?
15 बचपन स ही मइँ सतावा गवा हउँ
    अउर मउत क धमकी दीन्ह गवा हउँ, मइँ असहाय हउँ।
16 तोहार गुस्सा मोका ढाँपि लिहे अहइ
    अउर तोहार आतंक मोका मार डावत ह।
17 उ मोका बाढ़ क पानी क समान चारिहुँ कइँती स घेरिके राखेस ह।
    उ मोका पूरी तरह स ढाँपिके राखेस ह।
18 हे यहोवा, तू मोरे मीत अउ प्रिय मनइयन क मोका छोड़िके चला जाइ क मजबूर कइ दिहा।
    मोरे संग सिरिफ केवल अँधियारा ही रहत ह।

Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes