A A A A A
Bible Book List

भजन संहिता 21Awadhi Bible: Easy-to-Read Version (ERV-AWA)

संगीत निदेर्सक बरे दाऊद क एक ठु पद।

21 हे यहोवा, तोर महिमा राजा क प्रसन्न करत ह, जब तू ओका बचावत ह।
    उ बहोतइ आनन्दित होत ह।
तू राजा क उ सबइ वस्तुअन दिहा जेका उ चाहे रहा, राजा जउन भी पावइ क बिनती किहस।
    हे यहोवा, तू मन क चाहा भवा ओका दइ दिहा।

हे यहोवा, सचमुच तू बहोत आसीस राजा क दिह्या।
    ओकरे मूँड़े पइ तू सुवर्ण क मुकुट धइ दिह्या।
उ तोहसे जिन्नगी क भीख माँगेस अउर तू ओका इ दइ दिह्या।
    परमेस्सर, तू सदा सर्वदा बरे राजा क अमर जीवन दिह्या।
तू रच्छा किहा तउ राजा क महा वैभव मिल गवा।
    तू ओका आदर अउ प्रसंसा दिहा।
हे परमेस्सर, सचमुच तू राजा क सदा सर्वदा बरे, आसीर्वाद दिहा।
    जब राजा क तोहार दर्सन मिलत ह, तउ उ बहोत खुस होत ह।
राजा क सचमुच यहोवा पइ भरोसा अहइ,
    तउ परमेस्सर ओका निरास नाहीं करी।
हे परमेस्सर! तू देखाँइ द्या आपन सबहिं दुस्मनन क कि तू खूब मजबूत अउ सक्तीसाली अहा।
    जउन तोहसे घिना करत हीं तोहार सक्ती ओनका हराइ देइ।
हे यहोवा, जब तू राजा क साथ होत अहा
    तउ उ भभकत भार जइसा होइ जात ह,
जउन सब कछू भसम करत ह।
    ओकर किरोध क आगी आपन सबहिं दुस्मनन क भसम कइ देत ह।
10 परमेस्सर क दुस्मनन क बंस नस्ट होइ जइहीं,
    धरती क ऊपर स उ सब मिटिहीं।
11 अइसा काहे भवा? काहेकि यहोवा, तोहरे खिलाफ ओन मनइयन खड़यन्त्र रचे रहेन।
    उ पचे बुरा करइ क जोजना रचे रहेन, मुला उ पचे ओहमाँ सफल नाहीं भएन।
12 यहोवा जब तू ओन लोगन पइ आपन तीर स निसाना साध्या,
    तउ तू ओनका पीछे घुमाई दिहा अउर भगाइ दिहा। [a]

13 यहोवा क अउर ओकर सक्ती क गुण गावा आवा हम पचे गाई
    अउर ओकरे गीतन क बजाई जउन ओकर गरिमा स जुर ग अहइँ।

Footnotes:

  1. भजन संहिता 21:12 यहोवा जब … दिहा या, “तू ओकर उपस्थिति मँ दृढ़ता स खड़ा रहब्या अउर आपन लसुरि स ओनका काँधा स काँधा मिलाइ कइ क बाँधब्या।” हिब्रू मँ हिआँ समझइ मँ कठिन अहइ।
Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes