A A A A A
Bible Book List

जकर्याह 13Awadhi Bible: Easy-to-Read Version (ERV-AWA)

13 उ दिना, दाऊद क परिवार अउ यरूसलेम मँ रहइवाला लोगन बरे एक ठु सोता ओकरे पापन बरे क धोइ देइ अउर लोगन क सुद्ध करइ बरे फूटब।

लबार नबी भविस्स मँ नाहीं

सर्वसक्तीमान यहोवा कहत ह, “उ दिना, मइँ पृथ्वी प स सबहिं मूर्तियन क नाउँ हटाइ देब। अउर लोग ओनकर नाउँ भी याद नाहीं रखिहीं। अउर मइँ लबार नबियन अउर असुद्ध आतिमा क इ भुइँया स हटाइ देब। जदि कउनो मनई भविस्सबानी करत ह तउ ओका सजा मिली। हिआँ तलक कि ओकरे माता-पिता, ओकर आपन महतारी अउर आपन बाप ओहसे कइहीं, ‘तू यहोवा क नाउँ झूठ बोल्या ह। एह बरे तोहका मरि जाइ चाही।’ ओकर आपन महतारी अउर ओकर आपन बाप भविस्सवाणी करइ क कारण ओका छूरी भोवं देइहीं। उ समइ नबी आपन भविस्सवाणी अउर आपन दर्सन क खातिर लज्जित होइ जइहीं। उ पचे लोगन क धोखा देइ बरे रोंएदार चो़गा नाहीं पहरिहीं। उ सबइ लोग कइहीं, ‘मइँ नबी नाहीं हउँ मइँ एक किसान हउँ। मइँ बचपना स किसान क रूप मँ काम किहेउँ ह।’ दूसर लोग कइहीं, ‘मुला तोहरे हाथन पइ घाव कइसे अहइँ?’ उ कही, ‘इ चोट मोका अपने मित्र के घरे लगी।’”

सर्वसक्तीमान यहोवा कहत ह, “तरवार, गड़रिया पइ चोट करा। मोरे मित्र क मारा। गड़रिया पइ वार करा अउर भेड़िन पराइ जइहीं अउर मइँ ओन छोटन क सजा देब।” सर्वसक्तीमान यहोवा करत ह, “पूरी धरती क दुइ तिहाई लोग हटाइ जाइहीं अउर उ पचे मरिहीं, मुला एक तिहाई लोग बचा रइहीं। मइँ इ एक तिहाई लोगन क आगी मँ डाइ देब। मइँ ओका उहइ तरह स सुद्ध करब जइसा चाँदी क सुद्ध कीन्ह जात ह। मइँ ओका अइसा परखब जइसा सोना क जाँचा जात ह। तउ उ पचे मोका आपन नाउँ स पुकारिहीं अउर मइँ ओका जवाब देब। मइँ कहब, ‘उ पचे मोर लोग अहा,’ अउर उ पचे कइहीं, ‘यहोवा मोर परमेस्सर अहइ।’”

Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes