गीतरत्न 5

Marathi Bible: Easy-to-Read Version

5 माझ्या प्रिये, माझ्या वधू, मी माझ्या बागेत गेलो.
    मी माझा गंधरस व माझी सुगंधी द्रव्ये घेतली.
मी माझा मध व मधाचे पोळे खाल्ले.
    मी माझा द्राक्षारस व दूध प्यालो.

प्रिय मित्रांनो, खा, प्या.
    प्रेमाने धुंद व्हा.

² मी झोपलेली आहे.
    पण माझे हृदय जागे आहे.
माझा प्रियकर दार वाजवतो ते मी ऐकते.
    “प्रिये माझ्यासाठी दार उघड माझ्या प्रेमा,
    माझ्या कबुतरा, माझ्या सर्वोत्कृष्टा!
माझे डोके दवाने ओले झाले आहे.
    माझे केस रात्रीच्या धुक्याने ओले झाले आहेत.”

⁹ सुंदर स्त्रिये!
    तुझा प्रियकर इतर प्रियकरांहून वेगळा कसा?
तो इतर प्रियकरांपेक्षा चांगला आहे का?
    म्हणूनच तू आम्हाला वचन द्यायला सांगत आहेस का?

¹⁰ माझा प्रियकर उन्हाने काळवंडला आहे व तेजस्वी दिसतो.
    तो दहा हजार माणसात उठून दिसेल.
¹¹ त्याचे मस्तक शुध्द् सोन्याप्रमाणे आहे.
    त्याचे केस कुरळे आहेत आणि डोंबकावळ्यासारखे काळे आहेत.
¹² त्याचे डोळे झऱ्याजवळच्या कबुतरासारखे आहेत,
    दुधाच्या थारोळ्यातील कबुतरासारखे आहेत कोदंणातल्या हिऱ्यासारखे आहेत.
¹³ त्याचे गाल मसाल्याच्या पदार्थांच्या बागेप्रमाणे आहेत,
    अत्तरासाठी वापरण्यात येणाऱ्या फुलांसारखे आहेत.
त्याचे ओठ सुंगध गळणाऱ्या
    कमलपुष्पाप्रमाणे आहेत.
¹⁴ त्याचे बाहू रत्नांनी जडवलेल्या
    सोन्याच्या कांबीप्रमाणे आहेत.
त्याचे शरीर नीलमणी जडवलेल्या
    मऊ हस्तिदंतासारखे आहे.
¹⁵ त्याचे पाय सोन्याचा पाया
    असलेल्या संगमरवरी खांबासारखे आहेत.
तो लबानोनमधल्या गंधसरुच्या
    झाडासारखा उंच उभा राहतो.
¹⁶ होय, यरुशलेमच्या स्त्रियांनो, माझा प्रियकर खूप हवाहवासा वाटणारा आहे.
    त्याचे तोंड सर्वांत गोड आहे.
तोच माझा प्रियकर,
    तोच माझा सखा आहे.