गीतरत्न 1

Marathi Bible: Easy-to-Read Version

1 शलमोनाचे सर्वांत सुंदर गीत

² चुंबनांनी मला झाकून टाक कारण
    तुझे प्रेम द्राक्षरसापेक्षा चांगले आहे.
³ तुझ्या अत्तराचा खूप चांगला वास येत आहे,
    पण तुझे नाव मात्र उत्तम अत्तरापेक्षाही गोड आहे.
    त्यामुळेच तरुणी तुझ्यावर प्रेम करतात.
⁴ मला तुझ्याबरोबर ने.
    आपण पळून जाऊ.

आम्ही आनंदोत्सव करु आणि तुझ्यासाठी आनंदित होऊ.
    तुझे प्रेम द्राक्षारसापेक्षा चांगले आहे हे लक्षात ठेव.
    तरुणी तुझ्यावर योग्य कारणासाठी प्रेम करतात.

⁵ यरुशलेमच्या मुलींनो,
    मी काळी आणि सुंदर आहे.
    मी तेमान आणि शलमोनाच्या तंबूंसारखी काळी आहे.

⁷ मी माझ्या आत्म्यासकट तुझ्यावर प्रेम करते.
    मला सांग: तू तुझ्या मेंढ्यांना कुठे खायला दिलेस?
    तू त्यांना दुपारी कुठे विश्रांती घेऊ दिलीस?
मी तुझ्याबरोबर यायला हवे.
    नाही तर मी तुझ्या मित्रांच्या मेंढ्यांची काळजी घेणारी, अशी भाडोत्री स्त्रीसारखी ठरेन

⁸ तू खूप सुंदर स्त्री आहेस.
    काय करायचे ते तुला नक्कीच माहीत आहे.
मेंढ्यांच्या मागे मागे जा.
    तुझ्या लहान बकऱ्यांना मेंढपाळाच्या तंबूंजवळ खाऊ घाल.

¹² माझ्या अत्तराचा वास बिछान्यावर
    लवंडलेल्या राजापर्यंत जातो.
¹³ माझ्या वक्षस्थळांमध्ये रात्रभर विसावलेला माझा प्रियकर माझ्या गळ्यात
    असलेल्या सुंगधी द्रव्याच्या पिशवीसारखा आहे
¹⁴ माझा प्रियकर एन-गेदीमधील द्राक्षाच्या मळ्याजवळील
    मेंदीच्या फुलांच्या गुच्छा सारखा आहे.

¹⁵ प्रिये, तू किती सुंदर आहेस!
    तू फारच सुंदर आहेस.
    तुझे डोळे कबुतरासारखे आहेत.

¹⁶ प्रियकरा, तू सुध्दा् सुस्वरुप आहेस
    आणि मोहक आहेस.
आपला बिछाना किती आल्हाददायक आणि सुखावह आहे.
¹⁷     आपल्या घराच्या तुळ्या गंधसरुच्या लाकडाच्या आहेत.
    छताचे वासे देवदारुच्या लाकडाचे आहेत.