A A A A A
Bible Book List

गनती 28Awadhi Bible: Easy-to-Read Version (ERV-AWA)

रोज क भेंट

28 तब यहोवा मूसा स बात किहेस। उ कहेस, “इस्राएल क मनइयन क इ हुकुम द्या। ओनसे कहा कि उ पचे मोर बलिदानन अउर अन्नबलि क भोजन जेकर सुगन्ध मोका प्रसन्न करत हीं क भेंट बारी गइ भेंट दुआरा चढ़ावइँ। इ निहिचित करा कि ओका उचित समइ मँ भेंट करइ चाही। इ होमबलि क ओनका यहोवा बरे चढ़ावइ चाही। ओनका दोख क बिना एक बरिस का दुइ ठु मेमना रोज भेंट क रूप मँ चढ़ावइ चाही। मेमनन मँ स एक क भिन्सारे चढ़ावा अउ दूसर मेमना क सर्यास्त क टेमॅ। ऍकरे अलावा एपा क दसवाँ हींसा अन्नबलि हीन क चौथाई जइतून क तेल क संग मिला भवा आटा क द्या।” (इ रोज क होम बलि अहइ जउन सीनै पहाड़ प प्रथम दाईं सरू किहे गवा रहेन। इ बारी गइ भेंट रही जउन यहोवा बरे सुहावना सुगन्ध अहइ।) “मनइयन क बारी गइ भेंट क संग पयेबलि करइ चाही। ओनका हर एक भेड़ क संग हीन क एक चौथाई दाखरस देइ चाही। उ पयेबलि क पवित्तर ठउरे मँ वेदी प डावा। इ यहोवा क भेंट अहइ। दूसरे भेड़ा क भेंट गोधूरि क टेमॅ चढ़ावा। ऍका भिन्सारे क भेंट क तरह चढ़ावा। अन्नबलि अउ दाखरस क एक ही तरीका स भेंट करिहीं। इ बारी गइ भेंट रही जउन यहोवा बरे सुहावना सुगन्ध अहइ।

सबित भेंट

“सबित क दिन एक बरिस क बेदोखे क दुइ मेमना जइतून क तेल क संग मिला एपा क दुइ दसवाँ हींसा बढ़िया आटा क अन्नबलि अउ पयेबलि अउ दाखरस भी चढ़ावा। 10 इ हरेक सबित क दिन क खास भेंट अहइ। इ भेंट रोजाना राजे क भेंट अउ दाखरस क भेंट क अलावा अहइ।”

नवा चन्द्रिमा क भेंट

11 “हर एक महीना क पहिले दिन तू यहोवा क होमबलि चढ़उब्या। इ भेंट बेदोखे क दुइ बर्धा, एक भेड़ा अउ एक बरिस क सात मेमना होइ। 12 हर एक बर्धा क संग जइतून क तेल क संग जेहमा एपा क तीन दसवाँ हींसा बढ़िया आटा क भेंट भी चढ़ावा। हर एक भेड़ा क संग जइतून क तेल क संग मिला एपा क दुइ दसवाँ हींसा बढ़िया आटा क भेंट भी चढ़ावा। 13 हर एक भेड़ क बच्चा क संग जइतून क तेल क संग मिला भवा एपा क दसवाँ हींसा बढ़िया आटा क भेंट भी चढ़ावा। इ होमबलि अहइ जे आगी मँ तइयार भवा अहइ इ यहोवा बरे सुहावना सुगन्ध अहइ। 14 पयेबलि मँ आधा हीन दाखरस हर एक बर्धा क संग, तिहाई हीन दाखरस हर एक भेड़ा क संग अउ चौथाई हीन दाखरस हर एक मेमना क संग होइ चाही। इ होमबलि अहइ जउन बरिस क हर एक महीना चढ़ावइ जाइ चाही। 15 हमेसा रोजाना क होमबलि अउ पयेबलि क अलावा तोहका यहोवा क एक बोकरा देइ चाही। उ बोकरा पापबलि होइ।

फसह त्यौहार

16 “पहले महीना नीसान क चउदहवाँ दिन यहोवा क सम्मान मँ फसह पर्व होइ। 17 उ महीना क पन्द्रहवाँ दिन बे खमीरे क रोटी क दावत सुरु होत ह। इ पवित्तर जलसा सात दिनाँ तलक रहत ह। तू सिरिफ उहइ रोटी खाइ जउन बे खमीरे क होइ। 18 इ पवित्तर जलसा क पहिले दिन तोहका खास बइठक बोलावइ चाही। उ दिन तोहका कउनो काम नाहीं करइ चाही। 19 तू यहोवा क होमबलि देब्या। इ होमबलि दोख क बिना दुइ बर्धा, एक ठु भेड़ा अउ एक बरिस क सैंत ठु मेमना होइ। 20-21 हर एक बर्धा क साथ जइतून क तेल क साथ साना भवा एपा क तीन दसवाँ हींसा बढ़िया आटा, भेड़ा क संग जइतून क तेल क संग साना भवा एपा क दुइ दसवाँ हींसा बढ़िया आटा अउर हर एक मेमना क संग एपा क दसवाँ हींसा जइतून क तेल क संग साना भवा बढ़िया आटा क अन्नबलि भी होइ। 22 तोहका एक बैंकरा भी देइ चाही। उ बैंकरा तोहरे बरे पापबलि होइ। इ तोहरे पाप क ढाँपि देइ। 23 तू पचन क ओन भेंटन क अलवा देइ चाही जउन तू हर एक भिन्सारे होमबलि क रूप मँ देत रहत ह।

24 “उहइ तरह तोहका सैंत दिनाँ तलक बलि भेंट देइ चाही। इ आगी क दुआरा होमबलि क रूप मँ अन्न भेंटन होइ। इ यहोवा बरे सुहावना सुगन्ध अहइ। तू नेमॅ स होमबलि अउ ऍकर दाखरस भेंट चढ़उब्या। ऍकरे अलावा तू भोजन चढ़उब्या। होमबलि क अलावा इ भेंट क तोहका देइ चाही जउन तू रोज देत ह।

25 “तब फसह क सतऍ दिन तू एक पवित्तर सभा बुलाउब्या, अउर उ दिन तू कउनो काम नाहीं करब्या।

हफ्ता क त्यौहार (पिन्तेकुस्त)

26 “पहिले फल क उत्सव क अवसर पइ तोहका यहोवा क एक नवा अनाज क भेंट जरूर देइ चाहीं। उ टेमॅ प तोहका एक खास बइठक बोलावइ चाही। तू उ दिन कउनो काम नाहीं करब्या। 27 तू पचे होमबलि चढ़उब्या। उ बलि यहोवा बरे सुहावानी सुगन्ध होइ। तू सबइ बे दोखे क दुइ साँड़, एक-एक बरिस क भेड़ा अउ सैंत मेमना क भेंट चढ़उब्या। 28 तू हर एक साँड़ क संग जइतून क तेल क संग साना भवा एपा क तीन दसवाँ हींसा बढ़िया आटा, हर एक भेड़ा क संग एपा क दुइ दसवाँ हींसा 29 अउ हर एक मेमना क संग एपा क दसवाँ हींसा आटा क भेंट चढ़उब्या। 30 तोहका आपन पापे क ढाँपइ बरे एक ठु बैंकरा क बलि चढ़ावइ चाही। 31 तोहका इ भेंट रोजाना क दग्ध-भेंट अउ ऍकर अन्नबलि क अलावा चढ़ावइ चाही। ठान ल्या कि गोरुअन मँ कउनो दोख नाहीं हो। अउर इ निहचय करि ल्या कि पयेबलि ठीक बाटइ।

Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes