A A A A A
Bible Book List

आमोस 3Awadhi Bible: Easy-to-Read Version (ERV-AWA)

इस्राएल क चितउनी

इस्राएल क लोगो, इ संदेसा क सुना। यहोवा तोहरे पचन्क बारे मँ इ सब कहेस ह। इ सँदेसा ओन सबहिं इस्राएलि परिवारन बरे अहइ जेनका मइँ मिस्र देस स बाहेर लियाएउँ ह। “पृथ्वी पइ अनेक परिवार अहइँ। मुला तू पचे अकेल्ले अहा जेका मइँ बिसेस धियान देइ बरे चुनेउँ। मुला तू पचे मोरे खिलाफ होइ गया। एह बरे मइँ तू पचन्क सबहिं पापन्बरे सजा देबउँ।”

इस्राएल क सजा देइ क कारण

दुइ मनइयन एक संग नाहीं चल सकतेन
    जब तलक उ पचे कउनो वाचा नाही करइँ।
जंगल मँ सेर आपन सिकार क
    धरइ क पाछे ही गरजत ह।
अगर कउनो जवान सेर आपन माँद मँ ही गरज होइ
    तउ ओकर सकेत इहइ अहइ कि उ आपन सिकार क धइ लिहस ह।
कउनो चिरइया भुइँया पइ जालि मँ तब तलक नाहीं पड़ी
    जब तलक ओहमाँ कउनो चुग्ग न होइ
अउर अगर जालि बन्द होइ जाइ
    तउ उ चिरइया क फँसाइ लेइ।
अगर कउनो तुर्रही खतरा क चितउनी देइ
    तउ लोग डर स जरूर काँपि उठिहीं।
अगर कउनो मुसीबत कउनो सहर मँ आवइ
    तउ ओका यहोवा पठएस।

मोर सुआमी यहोवा कछू भी करइ क निहचइ कइ सकत ह। मुला कछू भी करइ स पहिले उ आपन सेवक नबियन क आपन छुपी योजना बनाइ। अगर कउनो सेर दहाड़ी तउ लोग डेराइ जइहीं। अगर यहोवा कछू भविस्सवक्ता स कही तउ भविस्सवाणी करी।

9-10 असदोद अउ मिस्र क ऊँच किलन पइ जा अउर इ सँदेसा क घोसणा करा: “सोमरोन क पर्वतन पइ जा। हुआँ तू पचे बहोत गड़बड़ी पउब्या। काहेकि लोग नाहीं जानतेन कि धमीर् कइसे रहा जात ह। उ पचे दूसर लोगन क बरे कूर रहेन। उ पचे दूसर लोगन स चिजियन लेत रहेन अउर ओन चिजियन क आपन ऊँच किलन मँ छुपावत रहेन। ओनकर खजानन चोरी अउर जबर दस्ती लीन्ह गइ ओनकर चिजियन स भरा अहइँ।”

11 एह बरे यहोवा कहत ह, “उ देस मँ दुस्मन आइ। उ दुस्मन तोहार पचन्क सक्ती लइ लेइ। उ ओन चिजियन क लइ लेइ जेनका तू पचे आपन किलन मँ छुपाइ रख्या ह।”

12 यहोवा इ कहत ह,

“जइसे जब कउनो सेर कउनो मेमना पइ झपट्टा मारत ह
    तउ गड़रिया उ मेमना क सिरिफ
कउनो हींसा ही बचाइ सकत ह।
    उ सेर क मुँहे स ओकर दुइ गोड़,
या ओकर काने क एक हींसा क ही खेच सकत ह।
    ठीक इहइ तरह इस्राएल क जियादा लोग
नाहीं बचाइ जाइ सकिहीं।
    सामरिया मँ रहइवाले लोग
    आपन बिछौना क कउनो कोना या आपन चौकी क पाया ही बचाइ पइहीं।”

13 मोर सुआमी सर्वसक्तीमान परमेस्सर यहोवा इ कहत ह: “याकूब (इस्राएल) क परिवारे क लोगन क इ सबइ बातन क चिताउनी द्या। 14 इस्राएल पाप किहेस अउर मइँ ओनकर पापन बरे ओनका सजा देब। मइँ बेतेल क वेदी क भी नस्ट करब। वेदी क सींगन काटि दीन्ह जइहीं अउर उ सबइ भुइँया पइ भहराइ जइहीं। 15 मइँ गर्मी क घरे क संग सदीर् क मौसम क घरे क भी नस्ट करब। हाथी दाँत स सजा घर भी नस्ट होइहीं। अनेक घर नस्ट कीन्ह जइहीं।” यहोवा इ सबइ कहत ह।

Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes